میں تھا جس نے یوکرین کو ٹینک شکن میزائل دیئے تھے: ٹرمپ

?️ 1 مارچ 2022

سچ خبریں:   سابق امریکی صدر ڈونلڈ ٹرمپ نے کہا کہ انہوں نے ہی یوکرین کو جیولین اینٹی ٹینک میزائل فراہم کرنے کا فیصلہ کیا۔

ٹرمپ نے پیر کو ایک بیان میں کہا کہ مجھے امید ہے کہ سب کو یاد ہو گا کہ میں ہی تھا جس نے نیٹو کے ناقابل اعتماد اراکین کو اپنے دور صدارت میں سینکڑوں بلین ڈالر کی امداد دینے پر مجبور کیا۔

ٹرمپ نے مزید کہا کہ اگر یہ میری تیز رفتار اور فیصلہ کن کارروائی نہ ہوتی تو نیٹو اب موجود نہیں ہوتا۔

انہوں نے کہا کہ میں نے یوکرین کو ٹینک شکن میزائل بھی دیے تھے جبکہ پچھلی حکومت نے انہیں کمبل بھیجے تھے۔
واضح رہے کہ کئی مغربی ممالک نے روسی فوجی کارروائی کے بعد یوکرین کے لیے اپنی فوجی امداد میں اضافہ کر دیا ہے۔

فن لینڈ کی وزیر اعظم سانا مارین نے اعلان کیا ہے کہ فن لینڈ یوکرین کو فوجی مدد فراہم کرے گا۔ انہوں نے کہا کہ یہ ہمارے لیے ایک تاریخی فیصلہ ہے۔