مقبوضہ مغربی کنارہ اور بیت المقدس ایک بار پھر صیہونی جارحیت کا شکار

?️ 4 مارچ 2023

سچ خبریں:صیہونی قابض فوج نے جمعے کے روز مغربی کنارے اور مقبوضہ بیت المقدس کے مختلف علاقوں پر چھاپے مارے۔

مرکزاطلاعات فلسطین کی رپورٹ کے مطابق صہیونی فوج نے جمعے کے روز مقبوضہ مغربی کنارے اور بیت المقدس کے مختلف علاقوں پر حملے کیے،یاد رہے کہ بیت المقدس پر قابض حکومت کے فوجیوں نے مقبوضہ بیت المقدس کے شہر رام اللہ کے قصبے "صلواد” پر چھاپہ مار کر 4 فلسطینیوں کو گرفتار کر لیا۔

واضح رہے کہ یہ کارروائی ایسے وقت میں ہوئی ہے جب صیہونی افواج  نے فلسطینی قوم اور ان کے مقدس مقامات کے خلاف جارحیت کا سلسلہ جاری رکھا ہوا ہے،ان حملوں کے دوران قلقیلیا کے مشرق میں واقع عزون قصبے میں رہنے والا ایک فلسطینی بچہ شہید اور 2 دیگر زخمی ہوئے۔

یاد رہے کہ جمعرات کے روز بھی صیہونی فوجیوں نے 14 فلسطینیوں کو گرفتار کیا اور الخلیل کے قریب ایک مکان کو مسمار کردیا،دوسری جانب صہیونی فوج نے جمعرات کی شام کو اریحا شہر کو گھیرے میں لے کر وہاں فوجی چوکیاں قائم کر لیں۔

مقامی ذرائع نے بتایا ہے کہ صہیونی فورسز نے اریحا کے داخلی راستوں کو بند کرکے فلسطینی کاروں کی نقل و حرکت کو روکا اور ان کی تلاشی لی نیز فلسطینی شہریوں کی شناختی دستاویزات کا معائنہ کیا جس کی وجہ سے ٹریفک کی شدید پریشانی کا سامنا کرنا پڑا۔

ان ذرائع نے مزید کہا کہ عقبہ جبر کیمپ کے نزدیک جنوبی دروازے، مشرقی دروازے اور شمالی دروازے پر چوکیاں قائم کی گئی ہیں،دوسری جانب فلسطینی ڈیٹا سینٹر "معتی” نے اپنی فروری کی رپورٹ میں اعلان کیا ہے کہ فلسطینی شہریوں کے خلاف قابض فوج اور صہیونی آباد کاروں کی جارحیت اور جرائم کے 2898 مقدمات درج کیے گئے ہیں، جن کے دوران سیکڑوں گرفتاریاں اور جھڑپیں ہوئیں جبکہ ایک ماہ میں 30 فلسطینی شہری شہید اور سینکڑوں زخمی ہوئے ہیں۔

اس رپورٹ کے مطابق فروری میں مغربی کنارے کے دیگر علاقوں کے مقابلے نابلس صوبے میں سب سے زیادہ شہید ہوئے جن کی تعداد 16 ہے۔