مقبوضہ فلسطین کی تازہ ترین صورتحال؛صیہونیوں کی نیندیں حرام

?️ 12 اگست 2023

سچ خبریں: فلسطینی ذرائع نے اطلاع دی ہے کہ گذشتہ 24 گھنٹوں کے دوران فلسطینی مجاہدین کی طرف سے صیہونی اہداف کے خلاف 18 مزاحمتی کاروائیاں کی گئیں۔

فلسطینی میڈیا کے مطابق فلسطینی ڈیٹا پروسیسنگ سینٹر معطی نے ایک رپورٹ میں اعلان کیا ہے کہ مغربی کنارے میں گزشتہ 24 گھنٹوں کے دوران مجموعی طور پر 18 مختلف مزاحمتی کاروائیاں کی گئیں۔

یہ بھی پڑھیں: صیہونی حکومت کی جیلوں میں 170 فلسطینی بچوں پر تشدد

اس مرکز نے نشاندہی کی کہ ان کاروائیوں میں فائرنگ کے دو واقعات، سرد ہتھیاروں سے حملوں کی کوشش کے دو واقعات، صیہونی فوجیوں کے راستے میں بم دھماکے، آبادکاروں کے حملوں کا مقابلہ، آباد کاروں کی گاڑیوں پر حملے، چار احتجاجی ریلیاں اور قابض افواج کے ساتھ جھڑپوں کے سات واقعات شامل ہیں۔ ۔

13 فلسطینی اسیران کی بھوک ہڑتال
فلسطینی قیدیوں کے نگراں کلب نے اعلان کیا ہے کہ صیہونی حکومت کی جیلوں میں بھوک ہڑتال کرنے والے قیدیوں کی تعداد 13 ہو گئی ہے،اس سے قبل 6 فلسطینی قیدیوں نے ریمون جیل میں اپنی عارضی نظربندی کے خلاف بھوک ہڑتال شروع کی تھی۔

اس مرکز نے نشاندہی کی کہ ان 13 قیدیوں کی بھوک ہڑتال عوفر جیل اور صیہونی حکومت کی دیگر جیلوں میں عارضی طور پر نظر بند قیدیوں کے ساتھ اظہار یکجہتی کے لیے کی گئی ہے۔

مزید پڑھیں: صیہونی ریاست کی صورتحال؛سید حسن نصراللہ کی زبانی

ترمسایا گاؤں پر قابض آباد کاروں کا حملہ
مقامی ذرائع نے اعلان کیا کہ قابض صہیونی آباد کاروں نے آج ہفتے کی صبح رام اللہ کے شمال مشرق میں واقع ترمسایا گاؤں میں فلسطینی شہریوں پر حملہ کیا اور ان کی گاڑیوں کو کافی نقصان پہنچایا۔

اریحا میں صہیونی بستی پر فائرنگ
مقامی ذرائع نے اعلان کیا کہ اریحا واقع میں عقبہ جبر کیمپ کے جنوب میں صہیونی بستی کو گولیوں کا نشانہ بنایا گیا۔