مشتعل مظاہرین کا مقبوضہ بیت المقدس میں نیتن یاہو کی رہائش گاہ پر حملہ

?️ 4 اپریل 2024

سچ خبریں: مقبوضہ بیت المقدس میں اسرائیلی مظاہرین کی پولیس سے جھڑپیں ہوئیں۔

مرکزاطلاعات فلسطین کی رپورٹ کے مطابق کہ مقبوضہ بیت المقدس میں نیتن یاہو مخالف مظاہروں کے دوران صہیونی مظاہرین نے آہنی رکاوٹوں سے گزر کر نیتن یاہو کی رہائش گاہ پر حملہ کردیا۔

یہ بھی پڑھیں: نیتن یاہو کی رہائش گاہ کی طرف ہزاروں صیہونیوں کا مظاہرہ

عبرانی زبان کے ذرائع نے اعلان کیا کہ 3 مظاہرین کو گرفتار کر لیا گیا ہے اور پولیس فورس کا ایک اہلکار زخمی ہوا ہے۔

اسی دوران عبرانی زبان کے ذرائع نے مقبوضہ بیت المقدس میں نیتن یاہو کی رہائش گاہ کے سامنے اسرائیلی مظاہرین اور پولیس کے درمیان شدید تصادم کی اطلاع دی۔

صیہونی حکومت کے چینل 12 نے تاکید کی کہ پولیس نے مظاہرین میں سے ایک کو گرفتار کر لیا جو پولیس کی ایک گاڑی کے نیچے لیٹا ہوا تھا۔

اسرائیلی ذرائع نے کل رات مقبوضہ بیت المقدس میں ہونے والی جھڑپوں کو انتہائی شدید قرار دیا۔

دسیوں ہزار اسرائیلیوں نے نیتن یاہو کی رہائش گاہ اور کنیسٹ کی عمارت کے سامنے احتجاج کرتے ہوئے ان کے فوری استعفیٰ اور غزہ میں مزاحمت کاروں کے ساتھ قیدیوں کے تبادلے کا مطالبہ کیا۔

صیہونی اخبار Yediot Ahronoth نے مقبوضہ بیت المقدس میں نیتن یاہو کی رہائش گاہ کے سامنے مظاہرین اور پولیس کے درمیان شدید جھڑپ کی اطلاع دی۔

کہا جاتا ہے کہ اسرائیلی پولیس نے غزہ میں قید ایک اسرائیلی قیدی کی بیوی پر حملہ کیا اور اسے زدوکوب کیا۔

اسی دوران بتایا گیا ہے کہ مقبوضہ علاقوں میں صہیونی آباد کاروں کے احتجاجی مظاہرے تاحال جاری ہیں، موصولہ اطلاعات کے مطابق صیہونی آبادکاروں نے صیہونی وزیر اعظم بنیامین نیتن یاہو کی قیادت میں قابض حکومت کی موجودہ کابینہ کے خلاف ایک بار پھر احتجاج کیا ہے۔

مزید پڑھیں: ڈگمگاتی صیہونی حکومت؛مظاہرین نے کیا کہا؟

یہ احتجاجی مظاہرہ صیہونی حکومت کی Knesset کے خلاف کیا گیا اور اس مظاہرے کے دوران آباد کاروں نے مقبوضہ علاقوں میں قبل از وقت انتخابات کا مطالبہ کیا۔

اس کے علاوہ صیہونیوں نے صیہونی حکومت اور غزہ میں فلسطینی مزاحمت کاروں کے درمیان قیدیوں کے تبادلے کے معاہدے کا مطالبہ کیا۔