مسجد الاقصی خطرناک مرحلے میں

?️ 22 اگست 2022

سچ خبریں:مسجد الاقصی کے خطیب شیخ عکرمہ صبری کا کہنا ہے کہ اس وقت مسجد الاقصی نہایت خطرناک مرحلے میں ہے۔
مسجد اقصیٰ کے مبلغ اور خطیب الشیخ عکرمہ صبری نے کہا ہے کہ القدس شہر اور مسجد اقصیٰ ایک انتہائی خطرناک اور مشکل مرحلے سے گزر رہے ہیں،انہوں نے اس بات پر زور دیا کہ مسجد اقصیٰ میں لگنے والی آگ ابھی تک مختلف شکلوں میں جل رہی ہے جس کی شکلیں محدود نہیں ہیں کیونکہ یہ آگ اب تک الاقصیٰ، القدس اور یروشلم کو جلا رہی ہے۔

یاد رہے کہ اتوار کو مسجد اقصیٰ میں آتشزدگی کے 53 سال مکمل ہو ہوئے ہیں جب انتہا پسند یہودی ڈینس روہان نے مسجد الاقصی کو آگ لگا دی جس سے اس مسجد کو شدید نقصان پہنچا، اس کی چھت، محراب اور گنبد، مرکزی ستون، محراب اور جنوبی دیواروں کو نقصان پہنچا۔

صبری نے وضاحت کی کہ القدس کے باشندوں کی املاک کی لوٹ مار ، فلسطینی زمینوں پر قبضہ، قید، جلاوطنی، بھاری ٹیکسوں اور نسل پرستی کی شکل میں مسجدالاقصی میں لگائی گئی آگ آج بھی بھڑک رہی ہے۔

انہوں نے اس بات پر زور دیا کہ یروشلم اور الاقصیٰ کی آزادی کا اس کادفاع، حفاظت اور حمایت ہر مسلمان کا فرض ہے،مسجدالاقصی کے خطیب نے کہا کہ اس مقدس مقام کی آزادی اور غصب شدہ حقوق صرف جہاد سے ہی واپس مل سکتے ہیں۔