مسجد اقصی پر700 صیہونی آبادکاروں کا حملہ

?️ 30 مئی 2022

سچ خبریں:مسجد اقصی پر 700 صیہونی آبادکاروں کے حملہ کے بعد مزاحمتی تحریک نے ہائی الرٹ جاری کیا ہے۔
مسجد الاقصی پر صہیونیوں کے وحشیانہ حملوں کا سلسلہ جاری ہے، جبکہ فلسطینی مزاحمتی تنظیموں نے بھی مسجد الاقصی کا دفاع کرنے کے لئے ہائي الرٹ جاری کررکھا ہے، اطلاعات کے مطابق صہیونیوں نے بیت المقدس پر قبضہ کی سالگرہ کے موقع پر صہیونی پرچم لہرانے کا اعلان کیا ہے جبکہ صہیونیوں کے اس اقدام کو اشتعال انگیز قراردیا جارہا ہے۔

ادھر فلسطینیوں نے مسجد الاقصی کی بے حرمتی کرنے پر انتباہ جاری کرتے ہوئے کہا ہے کہ صہیونیوں کے اشتعال انگیز اقدام کا بھر پور مقابلہ کیا جائےگا، فلسطینی تنظیم جہاد اسلامی کے اعلی رکن محمد شلح نے مسجد الاقصی میں صہیونی پرچم گشائی کی تقریب کو اسرائيلی وزير اعظم نفتالی بینٹ کی حکومت کے تابوت میں آخری کیل قراردیا ہے۔

ادھر صہیونیوں کے 1000 افراد پر مشتمل مختلف گروہوں نے مسجد الاقصی پر حملوں کا سلسلہ جاری رکھا ہوا، صہیونیوں کو اسرائیلی فوج کے 300 اہلکاروں کی حمایت بھی حاصل ہے، یاد رہے کہ صیہونی فوج اور حکمراں فلسطینی مجاہدین سے بار بار شکست کھانے کے کی وجہ اپنی عوام میں اعتماد کھو چکے ہیں جسے بحال کرنے کے لیے وہ طرح طرح کی اشتعال انگیز کاروائیاں کر رہے ہیں تاہم ابھی تک وہ اپنا کھویا ہوا وقار اور عوام کے درمیان اعتماد بحال کرنے میں کامیاب نہیں ہوئے ہیں۔