مزاحمتی تحریک کی ایک بار پھر صیہونیوں کو چوٹ

?️ 16 جولائی 2023

سچ خبریں: عبرانی میڈیا نے بتایا ہے کہ بیت المقدس کے جنوب میں فائرنگ کی کاروائی کے دوران 2 صہیونی آبادکار زخمی ہوئے۔

چند منٹ قبل المیادین نیوز چینل نے عبرانی میڈیا کا حوالہ دیتے ہوئے بیت المقدس کے جنوب میں فائرنگ کی کاروائی کی خبر دی ہے،اس رپورٹ کے مطابق مذکورہ کاروائی بیت المقدس کے جنوب میں واقع تقویٰ کے علاقے کی چوکی کے قریب ہوئی۔

عبرانی میڈیا نے بتایا ہے کہ اس کاروائی کے دوران کم از کم 2 صہیونی آباد کار زخمی ہوئے۔

یہ بھی پڑھیں: صہیونی شمالی اور جنوبی محاذوں پر بیک وقت لڑائی سے کیوں خوفزدہ ہیں؟

دریں اثنا، میڈیا رپورٹس کے مطابق، بیت المقدس کے جنوب میں فائرنگ کے دوران ایک آباد کار زخمی ہوا جس کی حالت تشویشناک بتائی جاتی ہے۔

اسرائیلی فوج نے بھی اعلان کیا ہے کہ وہ اس کارروائی کے مرتکب کی تلاش میں ہے۔

مزید پڑھیں: فلسطینی مجاہدین کی صیہونی کار پر فائرنگ 

یاد رہے کہ جہاں ایک طرف صیہونی فوج اور قابض حکومت کی انتہاپسند کابینہ نے فلسطینیوں کے خلاف اپنے جرائم میں تیزی کی ہے اور عالمی برادی مجرمانہ انداز میں خاموش تماشائی بنی ہوئی ہے وہیں فلسطینی مجاہدین نے چاروں طرف سے صیہونیوں پر جوابی حملے تیز کر دیے ہیں جس کے باعث صیہونیوں کی نیندیں حرام ہو گئی ہیں اس لیے کہ ان جگہوں سے حمے ہو رہے ہیں جن کے بارے میں وہ سوچ بھی نہیں سکتے تھے۔