مراکش کی پارلیمنٹ کے سامنے فلسطینیوں کے ساتھ اظہار یکجہتی ریلی

سچ خبریں:مراکش کے شہر رباط میں فلسطینیوں کے حق میں ایک عوامی مظاہرہ ہوا، جس میں سینکڑوں شہریوں نے شرکت کی۔

پارلیمنٹ کی عمارت کے باہر منعقد ہونے والے اس احتجاجی اجتماع میں شرکاء نے غزہ کی پٹی پر صیہونی حکومت کے وحشیانہ حملوں کی شدید الفاظ میں مذمت کی اور علاقے میں فوری طور پر انسانی امداد پہنچانے کا مطالبہ کیا۔

تفصیلات کے مطابق، غیر سرکاری تنظیم گروپ ایکشن فار فلسطین کی دعوت پر مراکش کے درجنوں شہریوں نے اس مظاہرے میں شرکت کی۔ مظاہرین نے فلسطینی مزاحمت سے مکمل اظہار یکجہتی کرتے ہوئے زوردار نعرے بازی کی۔

یہ مظاہرہ غزہ میں جاری نسل کشی کے خلاف، غزہ کی پٹی کا محاصرہ ختم کرنے، علاقے کی تعمیر نو اور امداد کی فراہمی میں رکاوٹیں دور کرنے اور "قیدیوں کی رہائی کے نعروں کے تحت منعقد ہوا۔ شرکاء نے ہاتھوں میں پلے کارڈز اٹھا رکھے تھے جن پر مراکش کے عرب اور اسلامی امت کی وحدت کے ساتھ ہیں اور اسرائیلی جارحیت کے خلاف یکجہتی کے علاوہ "زندہ باد مزاحمت، زندہ باد فلسطین اور امت فلسطین کی آزادی چاہتی ہے جیسے نعرے درج تھے۔

مظاہرین نے غزہ میں انسانی امداد کی محدود رسائی کی بھرپور مذمت کی اور فلسطینی کاز سے اپنی غیر متزلزل حمایت کا اعادہ کیا۔

واضح رہے کہ 10 اکتوبر 2025 سے جنگ بندی کے معاہدے کے باوجود، اسرائیلی حکومت غزہ میں انسانی امداد کے داخلے کو روکے ہوئے ہے۔ غزہ کی پٹی میں تقریباً 24 لاکھ فلسطینی آباد ہیں، جن میں 15 لاکھ بے گھر افراد شامل ہیں، اور یہ سب انتہائی نازک حالات میں زندگی بسر کر رہے ہیں۔

اسرائیلی فوج روزانہ کی بنی پر غزہ کے مختلف علاقوں پر فضائی حملے کرکے جنگ بندی کی خلاف ورزی کر رہی ہے۔ ان حملوں میں اب تک تقریباً 600 فلسطینی شہید ہو چکے ہیں اور 1578 افراد زخمی ہیں، جن میں زیادہ تعداد خواتین اور بچوں کی ہے۔

واضح رہے کہ امریکہ کے مکمل تعاون سے 8 اکتوبر 2023 کو اسرائیلی حکومت نے غزہ میں ایک وسیع فوجی کارروائی شروع کی تھی، جو دو سال تک جاری رہی۔ اس جنگ میں 72,000 سے زائد فلسطینی شہید ہوئے اور تقریباً 171,000 زخمی ہوئے، جبکہ غزہ میں 90 فیصد سویلین انفراسٹرکچر تباہ ہو چکا ہے۔