لمبے عرصے بعد پاکستان کیلئے امریکی سفیر معین

?️ 20 اکتوبر 2021

سچ خبریں:وائٹ ہاؤس کے مطابق امریکا نے ڈونلڈ ارمن بلوم کو پاکستان کیلئے نیا سفیر معین کیا ہے ڈونلڈ بلوم اس سے پہلے تیونس میں سفیرتھے۔

وائٹ ہاؤس نے بتانا کہ ڈونلڈ بلوم سینئر فارن سروس کے کیرئیر ممبر ہیں وہ اسرائیل میں قونصل جنرل کی خدمات بھی کر چکے ہیں جب کہ کابل سفارتخانے میں بھی اپنے ملک کے لئےخدمت کر چکے ہیں۔

ڈونلڈ بلوم قاہرہ ، بغداد اور کویت میں بھی سفارتی خدمات انجام دے چکے ہیںوہ لیبیا کے لیے امریکا کے ناظم الامورمقبوضہ بیت المقدس کے اسرائیلی قونصل خانےمیں قونصل جنرل، بغداد میں ملٹی نیشنل فورس انگیجمنٹ سیل کے سیاسی قونصلر رہ چکے ہیں۔

وائٹ ہاؤس کے مطابق بلوم نے مشی گن کی یونیورسٹی سےتعلیم حاصل کی اور وہ عربی بول بھی جانتےہیں۔

ڈونلڈبلوم کی ابھی پاکستان میں سفیر تعیناتی کے لیے سینیٹ کی منظوری باقی ہے۔

واضح رہےکہ پاکستان میں طویل عرصے سے امریکا کا کوئی سفیر نہیں اور اس وقت انجیلاایگلر بحیثیت ناظم الامور خدمات انجام دے رہی ہیں۔