قدس فورس اور فلسطینی مزاحمتی تحریک کے سربراہان کے درمیان بات چیت

?️ 16 مئی 2021

سچ خبریں:ایران کی سپاہ پاسدران کی قدس فورس کے سربراہ جنرل اسماعیل قاآنی نے فلسطینی مزحمتی تحریک حماس کی سیاسی کونسل کے سربراہ اسماعیل ہنیہ کے درمیان ٹیلی فون پر بات چیت ہوئی ہے۔
ایران کی سپاہ پاسدران کی قدس فورس کے سربراہ اور جنرل قاسم سلیمانی کے جانشین جنرل قاآنی کی حماس کے سربراہ کے ساتھ ٹلیفونک بات چیت ہوئی ہے،اطلاعات کے مطابق جنرل قاآنی اور اسماعیل ہنیہ کے درمیان ٹیلی فون پر ہونے والی بات چیت کے دوران فلسطین اور غزہ کی تازہ ترین صورتحال پر تبادلہ خیال کیا گیا۔

جنرل قاآنی نے بات چیت کے دوران جارح صیہونی دشمن کے مقابلے میں فلسطینیوں کی استقامت کو سراہا اور صیہونی حکومت کے بربریت کی مذمت کی،اس موقع پر حماس کے سربراہ اسماعیل ہنیہ نے کہا کہ قدس جنگ پوری ملت کے جوانوں کی جنگ ہے اور ملت فلسطین کی حمایت پر مبنی ایران کے موقف کی قدر کرتے ہيں۔

یادرہے کہ ایک ایسے وقت جب صیہونی حکومت دنیا والوں کی آنکھوں کے سامنے فلسطینیوں کا قتل عام کررہی ہےجبکہ امریکہ اور یورپی ممالک تل ابیب کی پیٹھ تھپتپارہے ہيں اور کبھی یہ کہتے ہوئے نظر آتے ہیں کہ اسرائیل کو اپنا دفاع کرنے کا حق ہے تو کبھی یہ کہتے ہیں اسرائیل کی سلامتی ہماری سلامتی ہے،قابل ذکر ہے کہ انسانی حقوق کی علمبرداری کا دعوی کرنے والے کچھ ممالک نےمظلوم فلسطینیوں کے حق میں آواز اٹھانے والے اپنے ہی ملک کے شہریوں کو دبانے کی کوشش کرتے ہوئے ان پر بے تحاشہ طاقت کا استعمال کیا ہے جس کے یہ واضح ہوگیا ہے کہ انسانی حقوق کی ان کی ساری دہائی اور نعرے کھوکھلے ہیں۔