نیتن یاہو کے ایران اور انصاراللہ کے خلاف بے بنیاد الزامات

سچ خبریں:قابض صیہونی وزیراعظم بنیامین نیتن یاہو نے ایران اور انصاراللہ یمن پر الزام لگاتے ہوئے دعویٰ کیا کہ اسرائیل حوثیوں کے حملوں کا مناسب وقت اور جگہ پر جواب دے گا،ساتھ ہی انہوں نے غزہ پر مکمل فتح تک جنگ جاری رکھنے کا اعلان بھی کیا۔

یہ بھی پڑھیں:صیہونی وزیر اعظم کی ایران کے خلاف ہرزہ سرائی

صیہونی وزیراعظم بنیامین نیتن یاہو نے ایران اور یمن کی انصاراللہ تحریک کے خلاف ایک بار پھر الزامات کی بوچھاڑ کرتے ہوئے کہا ہے کہ اسرائیل، حوثیوں کے حملوں کا مناسب وقت اور جگہ پر سخت جواب دے گا۔

الجزیرہ نیوز چینل کی رپورٹ کے مطابق، نیتن یاہو نے دعویٰ کیا کہ انصاراللہ اور ان کے ایرانی سرپرستوں کے حملے کا اسرائیل جلد سخت ردعمل دے گا۔

انہوں نے سابق امریکی صدر ڈونلڈ ٹرمپ کے بیان کی حمایت کرتے ہوئے کہا کہ ٹرمپ بالکل درست کہتے ہیں کہ ان حملوں کا منبع ایران ہے۔

نیتن یاہونے مزید کہا کہ ہم نے ماضی میں بھی انصاراللہ کے خلاف کارروائیاں کی ہیں اور آئندہ بھی کریں گے۔ بین گوریون ایئرپورٹ پر حملے کے بعد مزید جوابی کارروائیاں ہوں گی۔

یہ بیانات ان حملوں کے بعد سامنے آئے ہیں جن میں یمنی افواج نے اسرائیل کے سب سے بڑے ہوائی اڈے کو نشانہ بنایا، جس سے نہ صرف فضائی آمد و رفت متاثر ہوئی بلکہ اسرائیلی دفاعی نظام کی ناکامی بھی دنیا پر عیاں ہو گئی۔

نیتن یاہو نے غزہ کے حوالے سے بھی ایک نیا مرحلہ وار منصوبہ پیش کرنے کا دعویٰ کیا جس کا مقصد حماس کو مکمل طور پر ختم کرنا ہے۔

مزید پڑھیں:امریکہ کی ایران اور انصار اللہ کے خلاف تازہ ترین ہرزہ سرائی  

 انہوں نے کہا کہ جنگ تب ختم ہوگی جب ہم مکمل اور قطعی فتح حاصل کریں گے،ساتھ ہی انہوں نے زور دیا کہ فوجی دباؤ کامیاب رہا ہے اور امید ظاہر کی کہ اس دباؤ کے ذریعے مغوی اسرائیلیوں کی واپسی ممکن بنائی جائے گی۔