فلسطین کی حمایت میں مراکش کے مختلف شہروں میں عوامی احتجاجی مظاہروں کی اپیل

?️ 19 نومبر 2021

سچ خبریں:مراکش کے فلسطین کی حمایت اور صیہونی حکومت کے ساتھ تعلقات کو معمول پر لانے کے مخالف محاذ نے کہا ہے کہ وہ فلسطینی عوام کے ساتھ یوم یکجہتی کے موقع پر مراکش کے اس ملک کےتمام شہروں میں مظاہرے کریں گے۔
عربی 21 نیوز ویب سائٹ کی رپورٹ کے مطابق مراکش کے فلسطین کی حمایت اور صیہونی حکومت کے ساتھ تعلقات کو معمول پر لانے کے مخالف محاذ نے فلسطینی عوام کے ساتھ یکجہتی کے عالمی دن پر فلسطین کی حمایت اور صیہونی حکومت کے ساتھ تعلقات کو معمول پر لانے کے خلاف مراکش کے تمام شہروں میں مظاہروں کی اپیل کی ہے۔

مراکشی گروپ نے اس بات پر زور دیا کہ مظاہرے اس نعرے کے تحت ہونے چاہئے کہ فلسطینی عوام کی حمایت میں اورصیہونیوں کے ساتھ تعلقات معمول پر لانے کا کا مقابلہ کرنے کے لیےجنگ جاری ہے ۔

رپورٹ کے مطابق مراکشی گروپ نے تمام شاخوں اور ذیلی شاخوں کے ساتھ ساتھ تمام مرد اور خواتین سے مظاہروں میں حصہ لینے کا مطالبہ کیا ہے، جو مختلف شہروں میں منعقد کیے جا رہے ہیں،واضح رہے کہ یہ مظاہرے پیر 29 دسمبر کو ہونے والے ہیں ۔

فرنٹ نے تصدیق کی کہ مراکش کے دارالحکومت رباط میں مرکزی ریلی پارلیمنٹ کی عمارت کے سامنے نکالی جائے گی اور دیگر شاخیں کال جاری کریں گی جس میں احتجاج کے مقام کا تعین کرنے کا مطالبہ کیا جائے گا۔مراکشی ادارے نے کہا کہ یہ اقدام صیہونیوں سے فلسطین کی آزادی اور دارالحکومت یروشلم کے ساتھ فلسطینی سرزمین پر جمہوری ریاست کے قیام کے لیے فلسطینی عوام کی جدوجہد کی حمایت میں کیا گیا ہے۔

تنظیم نے تاکید کی کہ ان مظاہروں کے انعقاد کا مقصد صیہونی حکومت کے ساتھ اپنےملک کے تعلقات کو معمول پر لانے کے لیے مراکشی عوام کی مخالفت کا اظہار اور اس کی منسوخی نیز اس کے نتیجے میں ہونے والے تمام معاہدوں کی منسوخی کا مطالبہ کرنا ہے۔