فلسطین کا دفاع کرنا ایک اخلاقی فرض ہے: آئرش کامیڈین

سچ خبریں: آئرش کمدین اور ایکٹیوسٹ ٹیڈ ہیکی، جو فلیٹیلا فار فریڈم مہم کا حصہ ہیں، نے غزہ کی محاصرہ شکنی کیلئے عالمی بحری بیڑے کی اہمیت پر زور دیتے ہوئے اس اقدام کو کوئی مہم جوئی نہیں بلکہ ایک اخلاقی فریضہ قرار دیا۔

ہیکی نے زور دے کر کہا کہ میں نے اپنی زندگی میں انسانوں کا اتنا خوبصورت مجمع کبھی نہیں دیکھا؛ سب کے خیالات اور مقاصد ایک ہیں اور یہ سب انتہائی مخلص انسان ہیں۔

ہیکی نے صہیونی رجیم کی جانب سے ممکنہ گرفتاری کو بھی سنگین طور پر لیتے ہوئے کہا کہ وہ کئی دنوں یا اس سے زیادہ عرصے تک جیل میں ہر قسم کے رابطوں سے محروم رہ سکتے ہیں۔ انہوں نے مزید کہا کہ اگر مغربی ممالک اسرائیل کے غزہ میں نسل کشی میں اتنے بزدل اور ملوث نہ ہوتے، تو آج ہم اس صورتحال کا سامنا نہ کر رہے ہوتے۔

انہوں نے صہیونی رجیم پر الزام لگایا کہ وہ عام اور بے گناہ لوگوں کو ماہرانہ طریقے سے دہشت گرد کے طور پر پیش کرتا ہے، اور اس بات پر زور دیا کہ یہ بحری بیڑا آخری گروپ نہیں ہوگا۔ ہمارے ساتھ اس سفر میں کچھ بھی ہو، ایک بات واضح ہے کہ ایکٹیوسٹس رکیں گے نہیں اور تحریک دن بہ دن مزید وسعت اختیار کرے گی۔