فلسطینی مجاہدین کی صیہونی کار پر فائرنگ

?️ 19 ستمبر 2022

سچ خبریں:فلسطینی ذرائع نے اطلاع دی ہے کہ مجاہدین نے نابلس میں ایک صہیونی آبادکار کی گاڑی پر گولیاں برسائیں نیز مغربی کنارے کے مختلف علاقوں میں صیہونی فوجیوں نے فلسطینیوں پر حملوں اور گرفتاریوں کا سلسلہ تیز کر دیا ہے۔

قدس نیوز چینل کی رپورٹ کے مطابق عبرانی زبان کے ذرائع ابلاغ نے آج پیر کی صبح اطلاع دی کہ فلسطینی مجاہدین نے نابلس کے گاؤں حوارا کے قریب ایک صہیونی آبادکار کی گاڑی پر فائرنگ کی نیز بعض فلسطینی ذرائع نے اس کار کو نقصان پہنچانے کی اطلاع دی ہے۔

واضح رہے کہ یہ خبر ایسے وقت میں سامنے آئی ہے جب فلسطینی ذرائع کے مطابق صیہونی فوجیوں نے نابلس کے جنوب میں واقع علاقوں پر چھاپہ مار کر آج علی الصبح متعدد فلسطینی نوجوانوں کو گرفتار کیا نیز جمین قصبے میں حال ہی میں صیہونی جیل سے آزاد ہونے والے فلسطینی بلال ہاشم کی کار کو بھی قبضے میں لے لیا۔ ۔

درایں اثنا صیہونی فوجیوں نے الخلیل شہر کے شمال میں بھی فلسطینیوں کے گھروں پر چھاپے مارے اور ان میں سے متعدد کو گرفتار کر لیا، مقامی فلسطینی ذرائع نے رام اللہ کے شمال میں واقع قصبے سنجل پر بھی صہیونی افواج کے حملے کی اطلاع دی ہے،یاد رہے کہ یہ صورتحال ایسے وقت میں ہوئی ہے جب آج صبح سویرے مقبوضہ بیت المقدس کے پرانے حصے میں ایک صہیونی آبادکار فلسطینیوں کی جانب سے پھینکے گئے پتھر کی زد میں آکر شدید زخمی ہوگیا۔