فلسطینی قیدیوں کے ساتھ صیہونیوں کا نسل پرستانہ سلوک

?️ 23 مئی 2022

سچ خبریں:فلسطینی قیدیوں کے امور کی نگراں کمیٹی کے ذرائع ابلاغ نے کہا ہے کہ فلسطینی قیدیوں کے ساتھ صیہونی حکومت کا سلوک نسل پرستانہ ہے۔
المیادین چینل کی رپورٹ کے مطابق فلسطینی قیدیوں کے امور کی نگراں کمیٹی کے میڈیا ترجمان نے کہا کہ صیہونی حکومت کا قیدیوں کے ساتھ سلوک نسل پرستانہ اور انتقامی ہے، اس کے علاوہ صیہونی حکومت کے فوجی قیدیوں اور ان کے اہل خانہ پر دباؤ ڈالنے کے لیے ان کے گھروں کو تباہ کر رہے ہیں۔

واضح رہے کہ صہیونی حکام فلسطینی قیدیوں کو طبی امداد فراہم کرنے سے بھی انکاری ہیں، جبکہ فلسطینی میڈیا ذرائع کے مطابق اسرائیلی جیلوں میں 700 فلسطینی قیدی موجود ہیں جن میں 170 کم عمر قیدی اور 30 خواتین قیدی ہیں جن میں سے بعض حاملہ اور مختلف بیماریوں میں مبتلا ہیں۔

تاہم صیہونی ان سب چیزوں کی پرواہ کیے بغیر قیدیوں پر ظلم ڈھا رہے ہیں انہیں ان کے اہل خانہ سے ملنے نہیں دیا جاتا جبکہ بہت سارے قیدیوں کو بغیر کسی جرم کے گرفتار کیا گیا ہے یہاں تک کہ کئی قیدی ایسے ہیں جنہیں گرفتار کرنے کے بعد صیہونی فوجی ان کے گھروں کو حملہ کرتے ہیں اور اہل خانہ کی زد و کوب کے بعد مکان گرا دیتے ہیں جس کے نتیجہ میں قیدیوں کے اہل خانہ سخت پریشان ہوتے ہیں۔