غزہ کے عوام کے ساتھ عالمی یکجہتی کا اعلان

?️ 11 دسمبر 2023

سچ خبریں: سوشل میڈیا کے کارکنوں نے غزہ کے عوام کے ساتھ اظہار یکجہتی کے لیے بین الاقوامی ہڑتال کے لیے عالمی مہم شروع کرنے کا اعلان کیا ہے۔

غزہ کی پٹی کے ساتھ اظہار یکجہتی اور صیہونی حکومت کی جارحیت کی مذمت اور اقوام متحدہ کی سلامتی کونسل کی قرارداد کو ویٹو کرنے کے واشنگٹن کے مؤقف کو مسترد کرنے کے لیے آج بروز پیر دنیا بھر میں سماجی کارکنوں، وکلاء اور میڈیا کے ارکان کی عام ہڑتال ہوگی۔

یہ بھی پڑھیں: ناروے کے دارالحکومت میں میونسپلٹی کی عمارت پر فلسطینی پرچم

امکان ہے کہ اس عالمی ہڑتال کے نتیجے میں دکانیں، یونیورسٹیاں اور اسکول بند رہیں گے،اس عام ہڑتال کی بنیاد پر اٹھائی گئی درخواستوں کی تفصیلات سے پتہ چلتا ہے کہ شرکاء پرائیویٹ کاریں استعمال نہیں کریں گے اور کچھ سماجی سرگرمیوں جیسے شاپنگ اور کریڈٹ کارڈ استعمال کرنے سے گریز کریں گے۔

اس مہم کو شروع کرنے کا مقصد اسرائیل نواز حکومتوں پر غزہ کی جنگ روکنے کے لیے دباؤ بڑھانا ہے جس کے نتیجے میں 18 ہزار سے زائد فلسطینی شہید ہو چکے ہیں۔

اس مہم کے منتظمین، جو اسرائیل کے مخالف اور غزہ کے حامی کارکن ہیں، نے اس ہڑتال کا مقصد تل ابیب کی حمایت کرنے والے مختلف ممالک کی اقتصادی صورت حال کو مفلوج کرنا قرار دیا ہے۔

مزید پڑھیں: مراکش سے امریکہ تک فلسطین کی عالمی حمایت

خیال کیا جاتا ہے کہ یکجہتی کا یہ اعلان مختلف حکومتوں پر دباؤ کا باعث بنے گا جو لاتعلق ہیں یا تل ابیب کی حمایت کرتی ہیں اور انہیں صیہونی حکومت کے جرائم اور غزہ میں اس حکومت کی گزشتہ دو ماہ سے جاری نسل کشی کو روکنے کے لیے سنجیدہ اقدام کرنے پر مجبور کرے گا۔