🗓️ 11 نومبر 2023

سچ خبریں: سعودی عرب آج ایران سمیت اسلامی تعاون تنظیم کے رکن ممالک کے غیر معمولی اجلاس کی میزبانی کرے گا۔

10 نومبر بروز جمعہ عرب لیگ نے سعودی عرب میں ایک غیر معمولی اجلاس منعقد کیا جس میں غزہ میں اسرائیلی بمباری کے تسلسل پر تبادلہ خیال کیا گیا۔

ہفتہ کو سعودی عرب اسلامی تعاون تنظیم کے نمائندوں کے ساتھ ایک اور اجلاس کی میزبانی کرنے جا رہا ہے جس میں ایرانی صدر ابراہیم رئیسی بھی شریک ہوں گے۔

یہ بھی پڑھیں: اسلامی تعاون تنظیم کا صیہونی حملوں پر ردعمل

عرب لیگ ایک علاقائی بلاک ہے جس میں مغربی ایشیا اور شمالی افریقہ کے خطے کے 22 عرب ممالک شامل ہیں جبکہ اسلامی تعاون تنظیم کے 57 ارکان ہیں جن میں ایران بھی شامل ہے۔

ایک اماراتی اخبار نے اطلاع دی ہے کہ عرب لیگ کے رکن ممالک کے وزرائے خارجہ نے غزہ میں جنگ بندی کے لیے ایک قرارداد کا مسودہ تیار کیا ہے،اس قرارداد میں اسرائیل اور امریکہ کو جنگ بندی کے حوالے سے تجاویز پیش کرنے کے لیے مشاورت کا مطالبہ کیا گیا ہے۔

اسلامی تعاون تنظیم کے ہفتے کے روز ہونے والے اجلاس میں اسرائیلی بمباری روکنے اور جنگ بندی کے قیام کے طریقوں پر بات چیت کی جائے گی۔

یاد رہے کہ چین کی ثالثی سے سعودی عرب اور ایران کے درمیان تعلقات معمول پر آنے کے بعد ایرانی صدر ابراہیم رئیسی کا سعودی عرب کا یہ پہلا دورہ ہوگا۔

مزید پڑھیں: اسلامی تعاون تنظیم کا مسجد اقصیٰ کے بارے میں بیان

یہ اجلاس ایسی حالت میں منعقد کی جا رہا ہے جب غزہ میں صیہونی حکومت کے حملوں کے متاثرین کی تعداد 11 ہزار 78 شہید اور 27 ہزار 490 زخمی ہو گئی ہے۔،ان شہداء میں 4506 بچے، 327 خواتین اور 678 بزرگ شامل ہیں۔