غزہ پر حملوں کے سلسلہ میں اقوام متحدہ کا ردعمل

?️ 16 مئی 2021

سچ خبریں:اقوام متحدہ کے سکریٹری جنرل نے غزہ کی پٹی میں صیہونی حکومت کے جرائم کے خاتمے کے لئے کوئی قابل عمل اقدام کیے بغیرصرف تشویش کا اظہار کرنے کو ہی کافی سمجھا۔

فرانس پریس کی رپورٹ کے مطابق اقوام متحدہ کے سکریٹری جنرل انتونیو گٹیرس نے غزہ کی پٹی میں عام شہریوں کی ہلاکت پر عدم اطمینان کا اظہار کرتے ہوئے ایک بیان جاری کیا جس میں کہا گیا ہےکہ غزہ کی میڈیا عمارت پر اسرائیلی فضائی حملوں سے شدید متاثر ہوا ہوں، انہوں نے مزید کہاکہ ہمیں شہری ہلاکتوں میں اضافے پر رنج ہے ، جن میں ایک خاندان کے 10 افراد بھی شامل ہیں ، جو غزہ میں الشاطی پناہ گزین کیمپ میں ہلاک ہوئے تھے۔

گٹیرس کے مطابق شہریوں اور میڈیا کو کسی بھی قسم کی لاپرواہی نشانہ بنانا بین الاقوامی قانون کی خلاف ورزی ہے اور جس سے ہر قیمت پرہیز کیا جانا چاہئے،یادرہے کہ گذشتہ پیر کے روز خطے میں شروع ہونے والے صہیونی جارحیت پسندوں کی طرف سے فضائی حملوں کے بعد غزہ کی پٹی کی موجودہ صورتحال پر گٹیرس نے افسوس کا اظہار کرنے پر ہی اکتفا کی۔

واضح رہے کہ فلسطنیوں کے خلاف صیہونیوں کی جارحیت میں اب تک 41 بچوں سمیت 145 افراد شہید ہوچکے ہیں جبکہ زخمیوں کی تعداد 1100 بتائی جارہی ہے،درایں اثنا اسرائیلی وزیر اعظم بنامین نیتن یاھو نے آج اتوار کی صبح غزہ کی پٹی میں فلسطینیوں کے خلاف اپنی کاروائی جاری رکھنے کی دھمکی دیتے ہوئے اسے منصفانہ قرار دیا اور کہا کہ حملوں میں مزید تیزی لائیں گے۔