غزہ میں قحط کا سنگین خطرہ 100 سے زائد عالمی تنظیموں نے خبردار کیا

?️ 24 جولائی 2025

غزہ میں قحط کا سنگین خطرہ 100 سے زائد عالمی تنظیموں نے خبردار کیا

دنیا بھر کی 100 سے زائد غیر سرکاری تنظیموں نے غزہ کی سنگین انسانی صورتحال پر شدید تشویش کا اظہار کرتے ہوئے خبردار کیا ہے کہ اگر فوری اقدامات نہ کیے گئے تو پورا علاقہ قحط کی لپیٹ میں آ جائے گا۔ ان تنظیموں نے اسرائیلی رکاوٹوں کے باعث امدادی سامان کی ترسیل میں حائل رکاوٹوں پر شدید تنقید کی ہے۔

بین الاقوامی ادارے جیسے ڈاکٹرز وِدآؤٹ بارڈرزایمنسٹی انٹرنیشنل، آکسفیم، کاریتاس اور دیگر متعدد تنظیموں نے مشترکہ بیان میں کہا ہے کہ ہزاروں ٹن خوراک، پینے کا پانی، ادویات، پناہ گاہوں کا سامان اور ایندھن غزہ کے داخلی راستوں پر موجود ہیں، مگر اسرائیل امداد کو داخلے کی اجازت نہیں دے رہا۔

تنظیموں نے عالمی برادری سے فوری جنگ بندی، تمام زمینی راستوں کے کھولنے، اور انسانی امداد کے بلارکاوٹ داخلے کو یقینی بنانے کا مطالبہ کیا۔ انہوں نے کہا کہ غزہ کے اندر لوگ خاص طور پر بچے اور بیمار بھوک سے دم توڑ رہے ہیں، جبکہ امداد صرف چند میٹر کے فاصلے پر رکی ہوئی ہے۔