غزہ میں صہیونی فوج کے نقصانات میں اضافہ

?️ 21 فروری 2024

سچ خبریں: اسرائیلی فوج نے ایک بار پھر غزہ کی پٹی میں زمینی جھڑپوں کے دوران اپنی ہلاکتوں میں اضافے کا اعلان کیا ہے۔

المیادین چینل کی رپورٹ کے مطابق صیہونی حکومت کی فوج نے اعلان کیا ہے کہ غزہ کی پٹی کے شمال میں جھڑپوں میں ناحل بریگیڈ سے وابستہ 932 ویں بٹالین کا ایک صیہونی فوجی مارا گیا ہے۔

یہ بھی پڑھیں: صیہونی اپنی فوجی ہلاکتوں کی صحیح تعداد کیوں نہیں بتاتے؟

اس کے علاوہ تین دیگر صہیونی فوجی بھی انہیں جھڑپوں میں شدید زخمی ہوئے۔

گزشتہ روز اسرائیلی فوج نے اعتراف کیا کہ غزہ کی پٹی میں جھڑپوں میں شدید زخمی ہونے والا ایک اور اسرائیلی فوجی دم توڑ گیا ہے۔

صہیونی قابض فوج کے اعلان کے مطابق ہلاک ہونے والا یہ فوجی چھاتہ بردار یونٹ کا رکن تھا۔

صہیونی میڈیا نے اطلاع دی ہے کہ چھاتہ بردار یونٹ سے تعلق رکھنے والا ماعوز موریل، جو خان ​​یونس میں جھڑپوں کے دوران زخمی ہوا تھا لیکن بعد میں دم توڑ گیا تھے،ان جھڑپوں میں ایک افسر اور کئی دوسرے صیہونی فوجی بھی مارے گئے۔

مزید پڑھیں: غزہ صیہونیوں کے لیے ایسا جہنم ہے جس سے باہر نکلنا ممکن نہیں

واضح رہے کہ صہیونی فوج نے 7 اکتوبر سے منگل تک 575 صہیونی افسروں اور فوجیوں کی ہلاکت کا باضابطہ اعلان کیا ہے۔

اس دوران غزہ کی پٹی کے اندر فلسطینی مزاحمتی فورسز کے ساتھ زمینی جھڑپوں میں 237 صیہونی فوجی ہلاک ہو چکے ہیں۔