غزہ میں جنگ بندی منصوبہ ختم ہونے والا ہے:ناروے

?️ 8 دسمبر 2025

غزہ میں جنگ بندی منصوبہ ختم ہونے والا ہے:ناروے

 ناروے کے وزیر خارجہ اسپن بارت اید نے کہا ہے کہ غزہ میں جاری جنگ بندی ختم ہونے والا ہے اور موجودہ صورتحال میں چند ہفتوں تک برقرار رہنا مشکل ہے۔

رپورٹس کے مطابق اید نے کہا کہ غزہ میں استحکام قائم کرنے کے لیے فوری طور پر ایک بین الاقوامی امن فوج اور امن کونسل قائم کی جانی چاہیے، تاکہ وہ حقیقی معنوں میں امن قائم رکھنے کا کردار ادا کر سکیں۔

اقوام متحدہ کی سلامتی کونسل نے 17 نومبر 2025 کو امریکہ کے پیش کردہ ایک منصوبے کے تحت غزہ کے مستقبل کے لیے قرارداد منظور کی، جس میں روس اور چین نے ممتنع رائے دی۔ اس منصوبے کے مطابق بین الاقوامی امن فوج اور امن کونسل غزہ میں اپنی ذمہ داریاں انجام دیں گے، جیسا کہ امریکہ کے جامع منصوبے برائے خاتمہ تنازع غزہ میں بیان کیا گیا ہے۔

اس قرارداد کے مطابق بین الاقوامی امن فوج غزہ میں ہتھیار جمع کرنے، فوجی بنیادی ڈھانچے کو تباہ کرنے اور دیگر خلع سلاح اقدامات کو یقینی بنائے گی۔

منصوبے کے دوسرے مرحلے میں اسرائیلی فوج کا زیادہ تر حصہ غزہ سے واپس لیا جائے گا، ایک بین الاقوامی امن فوج تعینات کی جائے گی اور علاقے میں ایک نیا حکومتی ڈھانچہ قائم کیا جائے گا۔

اخبار آکسیوس کے مطابق، یہ نیا حکومتی ڈھانچہ “شورای صلح” کے تحت کام کرے گا جس کی قیادت ڈونلڈ ٹرمپ کے زیر نگرانی ہوگی۔ امریکی حکام اور ثالث فریق اس بات کو یقینی بنانے کی کوشش کر رہے ہیں کہ منصوبے کا دوسرا مرحلہ تمام عناصر کے ساتھ کریسمس سے پہلے شروع ہو جائے۔