وفاقی وزیر برائے انسانی حقوق سینیٹر اعظم نذیر تارڑ سے ہیڈ آف ایوانجیلیکَل لوتھرن چرچ آف فن لینڈ کی اپنے وفد کے ہمراہ ملاقات
21 نومبر
?️
اسلام آباد: (سچ خبریں) وفاقی وزیر برائے انسانی حقوق سینیٹر اعظم نذیر تارڑ سے ہیڈ آف ایوانجیلیکَل لوتھرن چرچ آف فن لینڈ آرچ بشپ ٹیپی لوما اپنے وفد کے ہمراہ جس میں فن لینڈ کے پاکستان میں سفیر ہنورپاٹی بھی شامل تھے، نےملاقات کی۔ اس موقع پر دونوں فریقین نے پاکستان میں انسانی حقوق کے فروغ، بین المذاہب ہم آہنگی اور پرامن بقائے باہمی کے فروغ کے سلسلے میں تبادلہ خیال کیا۔
جمعہ کو وزارت انسانی حقوق سے جاری پریس ریلیز کے مطابق ملاقات کے دوران آرچ بشپ نے حکومت پاکستان کی اس اقدام کو سراہا کہ اس نے ایک مخصوص وزارت برائے انسانی حقوق قائم کی ہے جو عالمی سطح پر ایک منفرد اقدام ہے کیونکہ دنیا کے بیشتر ممالک میں انسانی حقوق کے فروغ اور تحفظ کے لئے اس نوعیت کا باقاعدہ ادارہ موجود نہیں ہے۔وفد کو وزارت کی تنظیمی ساخت، اس کے منسلک شعبہ جات اور قانونی کمیشنز سے تفصیلی آگاہی فراہم کی گئی۔
اس کے علاوہ وزارت کے انسانی حقوق کے فروغ، تحفظ اور توسیع کے وسیع دائرہ کار پر بھی روشنی ڈالی گئی۔ تبادلہ خیال میں وزارت کے کثیر جہتی کردار کو اجاگر کیا گیا جس میں بنیادی حقوق کے تحفظ، خلاف ورزیوں کی نگرانی، شعور اُجاگر کرنا، اور صوبائی حکام اور سول سوسائٹی کے اداروں کے ساتھ مربوط اقدامات شامل ہیں۔آرچ بشپ نے وزارت کی جامع حکمت عملی کو سراہا جو کمزور اور پسماندہ طبقات کے تحفظ اور سہولت کے لئے وقف ہے، بشمول اقلیتوں کے حقوق، خواتین کے حقوق، بچوں کی حفاظت اور معذور افراد کے حقوق۔
ملاقات میں دونوں فریقین نے بین المذاہب مکالمے، سماجی شمولیت اور مشترکہ منصوبوں کے ذریعے مختلف کمیونیٹیز میں احترام اور افہام و تفہیم کو فروغ دینے کے اقدامات پر تبادلہ خیال کیا۔ فریقین نے اس بات پر زور دیا کہ سماجی ہم آہنگی کو مضبوط کرنے اور ہر شہری کو عزت، مساوات اور تحفظ کے ساتھ زندگی گزارنے کے مواقع فراہم کرنے کے لئے باہمی تعاون ناگزیر ہے۔آرچ بشپ نے وزارت کی جاری کوششوں کی تعریف کی اور حکومت، سول سوسائٹی اور بین الاقوامی شراکت داروں کے ساتھ مزید تعاون کی توقع ظاہر کی تاکہ انسانی حقوق اور پرامن بقائے باہمی کو مستحکم کیا جا سکے۔
مشہور خبریں۔
جو بائیڈن اور ولادی میر پوٹن کے مابین اہم ملاقات، دوبارہ سے سفارتی تعلقات برقرار کرنے پر بات چیت کی گئی
?️ 17 جون 2021جنیوا (سچ خبریں) سوئٹزرلینڈ کے شہر جینیوا میں سربراہ اجلاس کے دوران
جون
امریکہ کے لیے ایران کے خلاف آپشنز محدود اور مہنگے ہیں: ماہرین اقتصاد
?️ 28 جولائی 2026سچ خبریں: دی اکانومسٹ میگزین نے رپورٹ کیا ہے کہ ایران کے
جولائی
اسلام آباد ہائیکورٹ کا گٹھ جوڑ عمران خان اور بشریٰ بی بی کی اپیل کیلئے بنایا گیا، علی ظفر
?️ 14 فروری 2025اسلام آباد: (سچ خبریں) سینیٹ میں سیاسی جماعتوں کو پُر امن جلسے
فروری
سابق جج شوکت عزیز صدیقی انڈسٹریل ٹریبونل کے سربراہ مقرر
?️ 3 دسمبر 2024 اسلام آباد: (سچ خبریں) جسٹس (ریٹائرڈ) شوکت عزیز صدیقی کو نیشنل
دسمبر
برکینا فاسو میں بغاوت پھر ناکام
?️ 28 ستمبر 2023سچ خبریں: برکینا فاسو کے فوجی حکام نے کہا کہ برکینا فاسو
ستمبر
نیتن یاہو بھی جانتے ہیں کہ حماس پر فتح ممکن نہیں
?️ 1 اکتوبر 2024سچ خبریں: اسرائیل کے زیمان اخبار نے اپنے آج کے شمارے میں
اکتوبر
امریکا کی جانب سے جنوبی کوریا کو وارننگ
?️ 21 دسمبر 2025 امریکا کی جانب سے جنوبی کوریا کو وارننگ جنوبی کوریا، جو گزشتہ
دسمبر
چیف جسٹس اختیارات بل: سپریم کورٹ کے حکم امتناع پر پاکستان بار کونسل کی رائے تقسیم
?️ 19 اپریل 2023اسلام آباد:(سچ خبریں) پنجاب اسمبلی کے انتخابات اور چیف جسٹس کے اختیارات
اپریل