غزہ جنگ میں صیہونیوں کی بےبسی؛صیہونی فوج کی زبانی

?️ 1 مارچ 2024

سچ خبریں: صیہونی حکومت سے وابستہ ذرائع نے غزہ جنگ کے 147 دنوں کے بعد صہیونی فوج میں پائی جانے والی افراتفری کی صورتحال کا انکشاف کیا ہے۔

الجزیرہ چینل کی رپورٹ کے مطابق صیہونی ذرائع نے آج یکم مارچ 2024 بروز جمعہ اس حکومت کی فوج کی افراتفری کی صورتحال کا انکشاف کیا ہے۔

یہ بھی پڑھیں: غزہ میں صہیونی فوج کے نقصانات میں اضافہ

صہیونی اخبار Yediot Aharonot نے انکشاف کیا ہے کہ غزہ میں 147 دن کی جنگ کے بعد اسرائیلی فوج صدمے میں ہے اور یہ فوجیوں کی بھاری جانی نقصان کا نتیجہ ہے۔

اس اخبار نے لکھا ہے کہ فوج کے جنرل اسٹاف کی جانب سے فوری طور پر 7500 افسران اور جوانوں کو فوج کو مضبوط بنانے کے لیے ملازمت دینے کی درخواست موصول ہوئی ہے لیکن کابینہ نے فنڈز کی کمی کی وجہ سے صرف 2500 افراد کو بھرتی کرنے پر اتفاق کیا ہے۔

صیہونی حکومت کے وزیر جنگ یواف گیلنٹ نے اس سے قبل غزہ جنگ میں بھاری جانی نقصان کا اعتراف کیا تھا۔

انہوں نے مزید کہا کہ ہم نے گزشتہ 75 سالوں میں ایسی جنگ کا سامنا نہیں کیا،ہمیں فوج اور سکیورٹی فورسز کی خدمات میں توسیع کی اشد ضرورت ہے۔

مزید پڑھیں: طوفان الاقصیٰ میں اسرائیل کی سب سے بڑی ناکامی کیا رہی؟

اسی دوران گفعاتی بریگیڈ کے سپاہیوں کے غزہ کی جنگ میں شامل نہ ہونے کی اطلاعات بھی موصول ہوئی ہیں۔

7 اکتوبر سے اب تک غزہ میں صیہونی حکومت کے تقریباً 582 فوجی مارے جا چکے ہیں جن میں سے 242 زمینی کارروائیوں کے دوران مارے گئے،اس کے علاوہ اس حکومت کے 2988 فوجی زخمی ہوئے ہیں۔