غزہ جنگ بندی کی امریکی تجویز کی تفیصلات کا انکشاف

?️ 9 ستمبر 2024

سچ خبریں: صہیونی ذرائع نے غزہ میں جنگ بندی پر مبنی امریکہ کے نئے منصوبے کی تفصیلات جاری کر دیں۔

الجزیرہ نیوز چینل کی رپورٹ کے مطابق صہیونی ٹی وی نے آگاہ ذرائع کے حوالے سے بتایا کہ امریکی حکومت نے غزہ میں جنگ بندی کے لیے اپنے نئے منصوبے کو "آخری موقع” کا نام دیا ہے۔

اسی دوران، امریکی خفیہ ایجنسی سی آئی اے نے کہا ہے کہ امریکہ آنے والے دنوں میں حماس اور تل ابیب کو ایک نیا اور مفصل منصوبہ پیش کرے گا۔

یہ بھی پڑھیں: کیا غزہ میں عنقریب جنگ بندی ہوگی؟وائٹ ہاؤس کا کیا کہنا ہے؟

صہیونی ذرائع نے مزید کہا کہ یہ امریکی تجویز کل یا آئندہ دنوں میں پیش کی جا سکتی ہے۔

نئے منصوبے کے مواد کے حوالے سے، صہیونی میڈیا نے دعویٰ کیا ہے کہ اس تجویز میں تمام اختلافی نکات کو شامل کیا گیا ہے، خاص طور پر مصر اور غزہ کے درمیان فیلادلفیا (صلاح الدین) کے محور کو۔

میڈیا کے مطابق، امریکی حکومت نے امید ظاہر کی ہے کہ کم از کم میڈیا کے ذریعے ایک معاہدے تک پہنچا جا سکے۔

تاہم، کچھ آگاہ حکام نے اس بات پر بدگمانی ظاہر کی ہے کہ معاہدہ ممکن ہو گا، لیکن انہوں نے کہا کہ تجویز بہرحال پیش کی جائے گی۔

دوسری جانب سی این این نے ایک سینئر امریکی عہدیدار کے حوالے سے دعویٰ کیا ہے کہ واشنگٹن جانتا ہے کہ صہیونی وزارت دفاع اور فوج غزہ میں جنگ کے خاتمے کے خواہاں ہیں۔

اس عہدیدار نے مزید کہا کہ صہیونی فوج کو ایک آرام اور تعمیر نو کے دور کی ضرورت ہے تاکہ وہ مقبوضہ شمالی علاقوں میں ممکنہ جنگ کے لیے تیار ہو سکے۔

امریکی خفیہ ایجنسی سی آئی اے کے سربراہ، ولیم برنز نے بھی کہا کہ امریکہ قطر اور مصر کے ساتھ مل کر ایک نئے اور مفصل منصوبے پر کام کر رہا ہے، جو جلد ہی حماس اور اسرائیل کو پیش کیا جائے گا، جس میں قیدیوں کے تبادلے اور جنگ بندی کے امور شامل ہوں گے۔

برنز نے امید ظاہر کی ہے کہ صہیونی وزیر اعظم بنیامین نیتن یاہو اور حماس کے سیاسی دفتر کے نئے سربراہ یحییٰ سنوار قیدیوں اور جنگ بندی پر کسی معاہدے تک پہنچ سکیں گے۔

انہوں نے گزشتہ روز لندن میں فائننشیل ٹائمز کے زیر اہتمام ایک تقریب میں کہا کہ سکیورٹی اداروں، بشمول اسرائیلیوں، میں اس بات کا خدشہ پایا جاتا ہے کہ جھڑپیں مزید پھیل سکتی ہیں۔

مزید پڑھیں: کیا ابھی بھی غزہ میں جنگ بندی کا امکان ہے؟قطر کا اظہار خیال؟

اس امریکی عہدیدار نے اعتراف کیا کہ واشنگٹن غزہ میں جنگ بندی کے لیے دیگر ثالثوں کے ساتھ تعاون جاری رکھے گا، کیونکہ اس کے علاوہ کوئی دوسرا راستہ نہیں ہے۔