امریکی سفیر کو صہیونی آبادکاروں کی جانب سے شہری اعزاز سے نوازا گیا

امریکی سفیر کو صہیونی آبادکاروں کی جانب سے شہری اعزاز سے نوازا گیا

 صہیونی ذرائع ابلاغ کے مطابق شمالی دریائے اردن کے مغربی کنارے میں ایک تقریب کے دوران صہیونی آبادکاروں نے امریکا کے سفیر مایک ہاکبی کو اُن کی اسرائیلی پالیسیوں کی حمایت اور فلسطینیوں کے خلاف اقدامات پر شہری اعزاز سے نوازا۔

یہ اعزاز صہیونی بستی شمرون کی مقامی کونسل کی طرف سے دیا گیا۔ رپورٹ کے مطابق ہاکبی نے حال ہی میں غیرقانونی طور پر مغربی کنارے کا دورہ کیا تھا اور وہاں صہیونی آبادکاری کے منصوبوں کو سراہا تھا۔

امریکی سفیر ہاکبی کھلے عام صہیونی بیانیے کی وکالت کرتے ہیں اور غزہ کے حوالے سے بھی اسرائیلی موقف کو پھیلاتے ہیں۔

اسی تناظر میں انہوں نے ایک حالیہ انٹرویو میں یورپی ممالک کو دھمکی دی کہ اگر وہ فلسطین کو ایک آزاد ریاست کے طور پر تسلیم کرتے ہیں تو اس کے سنگین اور تباہ کن نتائج برآمد ہوں گے۔

ہاکبی کا دعویٰ تھا کہ فلسطینی ریاست کی بین الاقوامی سطح پر شناسائی اوسلو معاہدے کے منافی ہے اور اس کے نتیجے میں اسرائیل مغربی کنارے کے کئی حصوں پر براہِ راست قبضے اور حاکمیت کے اقدامات کر سکتا ہے۔