عرب لیگ میں شمولیت سے قبل ہمیں دوطرفہ تعلقات کو بہتر کرنے کی ضرورت ہے:شامی وزیر خارجہ

🗓️ 17 اپریل 2023

سچ خبریں:شام کے وزیر خارجہ نے اس ملک کی عرب لیگ میں شمولیت کے بارے میں ایک بیان میں کہا کہ پہلے ہمیں دیگر ممالک کے ساتھ تعلقات کو بہتر کرنا چاہیے۔

شام کے وزیر خارجہ نے اس ملک کی عرب لیگ میں دوبارہ شمولیت کے بارے میں ایک بیان میں کہا ہے کہ ہمیں پہلے دوسرے ممالک کے ساتھ دوطرفہ تعلقات کو بہتر کرنا ہوگا،اپنے انٹرویو میں فیصل المقداد نے کہا کہ دوسرے ممالک کے ساتھ دوطرفہ تعلقات کو بہتر کرنے سے پہلے عرب لیگ میں شامل ہونا ممکن نہیں ہے۔

واضح رہے کہ بیجنگ میں ایران اور سعودی عرب کے وزرائے خارجہ حسین امیر عبداللہیان اور فیصل بن فرحان کی ملاقات کے بعد خطے کی عرب حکومتوں کے درمیان تعلقات میں بہتری کے عمل کو تیز رفتاری سے آگے بڑھایا جا رہا ہے۔

اس سلسلے میں سعودی عرب کی جانب سے شام کے صدر بشار الاسد کو عید الفطر کے بعد عرب لیگ کے اجلاس میں مدعو کرنے کے ارادے کے اعلان کے چند روز بعد شام کے وزیر خارجہ فیصل مقداد سعودی حکام سے ملاقات کے لیے سعودی عرب گئے۔

نیز شام اور تیونس نے چند روز قبل ایک مشترکہ بیان میں اعلان کیا کہ تیونس کے صدر قیس سعید کی جانب سے دمشق میں تیونس کے سفیر کی تعیناتی کے اقدام کے جواب میں شام بھی تیونس میں اپنا سفارت خانہ دوبارہ کھولنے اور اس کے لیے سفیر مقرر کرنے کا ارادہ رکھتا ہے۔

قابل ذکر ہے کہ شام کے بیشتر مقبوضہ علاقوں میں سلفی تکفیری دہشت گردی کی شکست کے بعد بشار الاسد کے عظیم مشن میں سے ایک ہمسایہ ممالک بالخصوص عرب ممالک کے ساتھ سفارتی تعلقات کو معمول پر لانا ہے۔