عراق پر حملہ قابل قبول نہیں:مصری صدر

?️ 29 اگست 2021

سچ خبریں:بغداد سمٹ میں اپنی تقریر کے دوران مصری صدر نے زور دیا کہ قاہرہ عراقی سرزمین پر کسی قسم کے حملے کو قبول نہیں کرے گا۔
عراقی سرکاری خبر رساں ایجنسی واع کی رپورٹ کے مطابق مصری صدر عبدالفتاح السیسی نے ہفتہ کو بغداد اجلاس سے خطاب کیا ، اس کے بعد عراقی وزیر اعظم مصطفی الکاظمی ، فرانسیسی صدر ایمانوئل میکرون ، اردن کے شاہ عبداللہ دوم اور قطری امیر تمیم بن حمد الثانی نے خطاب کیا،رپورٹ کے مطابق مصری صدر نے عراق میں اپنی موجودگی پر اطمینان کا اظہار کرتے ہوئے کہا کہ عراق نے متعدد غیر ملکی مداخلتوں کا مشاہدہ کیا ہے ۔

عراقی صدر الکاظمی کی سربراہی میں عراقی حکومت کی کامیابیوں کو سراہتے ہوئے عبدالفتاح السیسی نے مزید کہا کہ مصر عراق میں استحکام اور اپنی پوزیشن کو مضبوط بنانے کے لیے حکومت کی کوششوں کی حمایت جاری رکھے ہوئے ہےنیز اس کے بعد بھی قاہرہ عراقی حکومت کے حامی کی حیثیت سے سلامتی کی راہ پر گامزن ہوگا، السیسی نے زور دیتے ہوئے کہا کہ مصر عراقی سرزمین پرکسی بھی طرح کے حملے کو قبول نہیں کرتا، بغداد سمٹ چیلنجوں سے نمٹنے کے لیے مشاورت اور مل کر کام کرنے کا ایک موقع ہے۔

انھوں نے مزید کہا کہ قاہرہ اپنے تجربے کی عراق میں منتقلی کا خیرمقدم کرتا ہے تاکہ مستقبل کی طرف ایک قدم اٹھائے، آخر میں ، انھوں نے اس بات پر بھی زور دیا کہ عراقی عوام ایک بہادر قوم ہیں ،واضح رہے کہ بغداد اجلاس کا مقصد خطے میں کشیدگی کو کم کرنا اور دہشت گرد گروہوں سے لڑنے کی کوششوں پر توجہ دینا ہے۔

شام کے بارے میں ایک حالیہ پریس کانفرنس میں عراقی وزیر خارجہ فواد حسین نے کہا کہ بغداد اور دمشق کے درمیان تعلقات اچھے ہیں ، تاہم سربراہی اجلاس میں شام کی موجودگی کا معاملہ متنازعہ ہے۔