عبرانی میڈیا نے غزہ پر صہیونی یلغار کو اندھوں کی جنگ قرار دیا

عبرانی میڈیا نے غزہ پر صہیونی یلغار کو اندھوں کی جنگ قرار دیا

عبرانی ویب سائٹ زیمان یسرائیل نے اپنی رپورٹ میں لکھا ہے کہ رئیس ستاد کل ایال زامیر نے کابینہ کے دباؤ میں آکر اس زمینی حملے کا آغاز کیا۔ اس کے مطابق زامیر نے واضح کرتے ہوئے کہا ہم نے غزہ میں کارروائی شروع کر دی ہے تاکہ اس بارے میں کوئی ابہام باقی نہ رہے۔

یہ آپریشن، جسے فوج نے ارابوت گدعون 2 کا نام دیا ہے، وزیراعظم بنیامین نیتن یاہو کی ترجیح پر مشت آهنین کے نام سے بھی پکارا جا رہا ہے۔ اس کارروائی کے حوالے سے خود فوجی کمانڈر بھی اعتراف کر رہے ہیں کہ اس کا اصل مقصد اب تک مبہم ہے، جبکہ فوجی اندازوں کے مطابق اس میں کم از کم سو صہیونی فوجی ہلاک ہو سکتے ہیں۔

رپورٹ میں تنقید کرتے ہوئے کہا گیا کہ جب وزیر اعظم اور دائیں بازو کے سیاستدانوں جیسے ایتامار بن گویر اور بتسلئیل اسموتریچ کی حکمت عملی پر سوالات اٹھ رہے ہیں تو فوجیوں کو ایسے مشکوک مقاصد کے لیے کیوں بھیجا جا رہا ہے جن کی وضاحت خود اعلیٰ کمان بھی نہیں کر پا رہی؟

اسی دوران، اسیر اسرائیلی فوجی ماتان اینگرست کی والدہ عنات اینگرست نے حکومت کو کڑی تنقید کا نشانہ بناتے ہوئے کہا آپ ہمارے فوجیوں کو ایسے محاذ پر کیوں بھیج رہے ہیں جہاں انہیں اپنے ہی ساتھیوں کو مارنے پر مجبور کیا جائے؟

غزہ میں فوجی کارروائی کے خلاف کئی اسرائیلی قیدیوں کے اہل خانہ نے قدس میں وزیر اعظم کی رہائش گاہ کے سامنے احتجاج کیا ہے۔ اطلاعات کے مطابق یہ خاندان وہاں مستقل احتجاجی کیمپ قائم کرنے کا ارادہ رکھتے ہیں۔