طالبان کی عبوری حکومت کی سفارتی ٹیم پاکستان میں داخل

?️ 30 اکتوبر 2021

سچ خبریں:طالبان کی عبوری حکومت کو اگرچہ ابھی تک اسلام آباد حکومت نے تسلیم نہیں کیا ہے، تاہم اس نے اپنی سفارتی ٹیم کے نئے ارکان بشمول پاکستان میں افغان سفارت خانے کے انچارج ڈی افیئرز اور دیگر سیاسی حکام کو اس ملک کے مختلف شہروں میں بھیج دیا ہے۔
پاکستانی میڈیا نے ہفتے کے روز اطلاع دی کہ اسلام آباد میں افغان سفارت خانے کے نئے چارج ڈی افیئرز کے ساتھ ساتھ کوئٹہ، پشاور اور کراچی میں افغان قونصل جنرلز کے سربراہان کو بھی تعینات کیا گیا ہےجبکہ طالبان کی عبوری حکومت کے فیصلے کے مطابق سردار محمد شعیب پاکستان میں افغانستان کے چارج ڈی افیئر کے طور پر کام کریں گے۔

واضح رہے کہ سینئر افغان سفارت کاروں کو بھی سیاسی مشن کے سربراہ کے طور پر پاکستان کے تین شہروں میں بھیجا گیاہے،پاکستانی خبر رساں ذرائع نے اطلاع دی ہے کہ اس ملک نے طالبان کی عبوری حکومت کو تسلیم نہیں کیا ہے تاہم طالبان حکومت کی طرف سے مقرر کردہ نئی سفارتی ٹیم کے ارکان کو ویزے جاری کر دیے ہیں۔

پاکستانی وزارت خارجہ کے ترجمان عاصم افتخار نے پاکستانی شہروں میں افغان سفارت خانے اور تین قونصلیٹ جنرلز میں نئے اہلکاروں کی تعیناتی کی تصدیق کرتے ہوئے کہاکہ یہ ایک انتظامی طریقہ کار ہے جس کا مقصد مہمان ملک کے سفارتی مشنوں کو رواں دواں رکھنے میں مدد کرنا ہے۔

یادرہے کہ ستمبر کے آخر میںپاکستانی وزیر خارجہ نے افغانستان پر طالبان کے قبضے کے بعد پہلی بار کابل کا سفر کیا، جس کی قیادت ایک سفارتی اور سکیورٹی وفد نے کی نیز انھوں نے افغان وزیر اعظم اور طالبان کی عبوری حکومت کے دیگر عہدیداروں سے ملاقات کی۔