طالبان کو دہشت گرد گروہوں کی فہرست سے نکالنے میں جلدی نہیں کریں گے: روس

طالبان

?️

سچ خبریں:روسی نائب وزیر خارجہ اولیگ سیرومولوتوف نے کہا کہ ماسکو کو طالبان کو دہشت گرد گروہوں کی فہرست سے نکالنے کی کوئی جلدی نہیں ہے۔
روسی نائب وزیر خارجہ اولیگ سیرومولوتوف نے پیر کو نووستی نیوز ایجنسی کو بتایا کہ ہمیں طالبان کو دہشت گرد گروہوں کی فہرست سے نکالنے اور نئی افغان حکومت کو تسلیم کرنے کی کوئی جلدی نہیں ہے، انہوں نے مزید کہاکہ ہم افغانستان کی نئی حکومت کے عملی اقدامات اور اقوام متحدہ کی سلامتی کونسل کے متعلقہ فیصلے کے مطابق عمل کریں گے۔

روسی نائب وزیر خارجہ نے یاد دلایا کہ طالبان نے دشمنی کے خاتمے کا اعلان کیا ، سابق حکومتی عہدیداروں ،امریکہ اور نیٹو کے ساتھ تعاون کرنے والے افغان شہریوں کی عام معافی کا اعلان کیا اور اسلامی قانونی نظام میں خواتین کے حقوق کا احترام کرنے کے عزم کا اعادہ کیانیز افغان معاشرے میں نظم وضبط ایجاد کرنے کا اعلان کیا ہے۔

انھوں نے مزید کہا کہ سلامتی کونسل کی قرارداد کے تحت طالبان اقوام متحدہ میں دہشت گرد گروہ کے طور پر درج ہیں جبکہ افغانستان میں روسی فوج بھیجنے کا تو سوال ہی نہیں پیدا ہوتا ہے، سیرومولوتوف نے کہا کہ فوج بھیجنے کا معاملہ روسی حکومت کے ایجنڈے میں نہیں ہے، طالبان کو کسی ملک کی فوجی مدد کی ضرورت نہیں ہے، انہوں نے مزید کہا کہ ایسا اقدام روس کے مفادات میں نہیں ہوگا، اس کے علاوہ نئی افغان حکومت نے اس ملک کے معاشرے میں امن بحال کرنا شروع کر دیا ہے اور اسے فوجی مدد کی ضرورت نہیں ہے۔

واضح رہے کہ امریکہ اور طالبان کے درمیان فروری 2020 کے معاہدے اور دونوں فریقوں کے درمیان امن معاہدے پر دستخط کے بعد امریکی فوجیوں اور اتحادیوں کا افغانستان سے انخلا شروع ہوا،تاہم حالیہ ہفتوں میں طالبان افغانستان میں پیش قدمی کرنے اور ملک کے اہم شہروں پر قبضہ کرنے میں کامیاب رہے نیز 15 اگست کو اشرف غنی کی حکومت کے خاتمے کےبعد کابل میں داخل ہونے میں کامیاب ہوئے۔

 

مشہور خبریں۔

صیہونی فوج کی بھونڈی حرکات

?️ 31 مئی 2021سچ خبریں:صیہونی فوج نے سوشل میڈیا پر اپنی خواتین فوجیوں کی ہیجان

گاڑیوں کو بھرپور توانائی بخشنے ولا ’’پاور پیسٹ‘‘ ہو گیا تیار

?️ 22 فروری 2021برلن{سچ خبریں} دنیا کے بیشتر ’’ایندھنی ذخیرہ خانے‘‘ (فیول سیلز) اسی اصول

دھمکیوں کے بجائے کبھی امن کا پیغام بھی دے دیا کرؤ

?️ 10 مارچ 2021سچ خبریں:یمنی سپریم انقلابی کمیٹی کے سربراہ نے اپنے تازہ ترین مؤقف

دنیا کے ممالک اور عالمی اداروں سے ایران کی اپیل

?️ 15 مئی 2021سچ خبریں:ایران نے یوم النکبہ کی مناسبت سے ایک بیان جاری کرتے

ترکی میں اردگان کے خلاف وسیع مظاہرے

?️ 13 دسمبر 2021سچ خبریں:ترکی کے شہر استنبول کے کارتل اسکوائر پر ہزاروں ترکوں نے

نو منتخب اراکین قومی اسمبلی نے حلف اٹھا لیا

?️ 29 فروری 2024اسلام آباد: (سچ خبریں) 8 فروری کو ہونے والے الیکشن میں نو منتخب اراکین قومی

وفاقی وزیر خزانہ شوکت ترین نے ٹیکس ڈائریکٹری کا اجراء کا کردیا

?️ 3 جنوری 2022اسلام آباد (سچ خبریں) وفاقی وزیر خزانہ شوکت ترین نے ٹیکس ڈائریکٹری

وائٹ ہاؤس کی سابق ترجمان ٹی وی اینکر

?️ 14 ستمبر 2022سچ خبریں:وائٹ ہاؤس کی سابق ترجمان نے این بی سی ٹیلی ویژن

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے