صیہونی کابینہ تحلیل ہونے کے قریب

?️ 4 اکتوبر 2021

سچ خبریں:صیہونی وزیر اعظم نفتالی بینیٹ اتحاد میں شامل جماعتوں کے مابین نئے اختلافات ان جماعتوں کے مابین خلیج کو آہستہ آہستہ وسیع کر رہے ہیں ، جس کی وجہ سے مستقبل قریب اور قبل از وقت یہ کابینہ تحلیل ہو سکتی ہے۔

نئی صہیونی کابینہ کی تشکیل کو ابھی قبل چار ماہ سے بھی کم عرصہ ہی گذرا ہے کہ یہ کابینہ جو متعدد جماعتوں کے ایک مجموعے پر مشتمل ہے ، ایک ایسی دراڑ پر پہنچ گئی ہے جو اس کی مختصر زندگی کو ختم کر سکتی ہے۔ بینیٹ کی کابینہ نے تحلیل کا سب سے اہم خطرہ سالانہ بجٹ کی منظوری کو پار کر لیا ہے،تاہم نئے تنازعات پیدا ہو گئے ہیں جو کہ کابینہ کے خاتمے اور کنیسٹ کی تحلیل کا باعث بن سکتے ہیں اورصیہونی حکومت کو نئے انتخابات کروانے پر مجبور کر سکتے ہیں۔

واضح رہے کہ صہیونی حکومت میں حالیہ مہینوں میں کیے گئے رائے عامہ کے جائزوں کے مطابق مقبوضہ فلسطین میں رہنے والے صہیونیوں کی ایک نمایاں اکثریت نفتالی بینیٹ کی کارکردگی سے غیر مطمئن ہے،یہ عدم اطمینان خاص طور پر کورونا وائرس کا مقابلہ کرنے اور بینیٹ کے اقوام متحدہ کے دورے میں واضح ہے،اس سے ہٹ کر صیہونی کابینہ میں کچھ ایسے سنگین اختلافات ایجاد ہوگئے ہیں جو فی الحال کابینہ اتحاد میں شامل جماعتوں کے درمیان موجود ہیں ، یہ سب سے اہم خطرات ہیں جن میں سے ہر ایک اسرائیلی کابینہ کی تحلیل کا باعث بن سکتا ہے۔

ایک تنازعہ جو بینیٹ کی کابینہ کی تحلیل کا باعث بن سکتا ہے وہ منصور عباس کی زیر قیادت فلسطینی جماعت راعم اور کابینہ کے درمیان اختلاف ہے جس نے نتائج سے خبردار کیا ہے۔

حالیہ دنوں میں ، صہیونی کنسیٹ میں فلسطینی راعم پارٹی کے ایک رکن ولید طہ نے کہا ہے کہ کابینہ میں ان کی پارٹی کی بجٹ کی درخواستوں پر توجہ نہ دینے کی وجہ سے راعم کابینہ چھوڑ سکتے ہیں جس کے نتیجہ میں یہ کابینہ تحلیل ہوسکتی ہے۔