امریکہ کے لیے سائبر خطرہ کون ہے؟

?️ 13 ستمبر 2023

سچ خبریں: امریکی محکمہ دفاع کی جانب سے شائع کردہ سائبر حکمت عملی کی دستاویز کے مطابق روس اس ملک کے لیے ایک سنگین سائبر خطرہ ہے جو مبینہ طور پر واشنگٹن اور اس کے اتحادیوں کے خلاف سائبر حملے کرنے کے لیے تیار ہے۔

امریکہ کے روسو فوبک اقدامات اور پالیسیوں کے تسلسل میں اس ملک کی وزارت دفاع نے روس کو سائبر اسپیس میں واشنگٹن کے لیے انتہائی سنگین خطرہ قرار دیا۔

یہ بھی پڑھیں: امریکہ سائبر اسپیس میں خطرناک کھیل کھیل رہا ہے:روس

امریکی محکمہ دفاع کی جانب سے شائع کردہ سائبر حکمت عملی کی دستاویز کے مطابق روس اس ملک کے لیے ایک سنگین سائبر خطرہ ہے جو مبینہ طور پر واشنگٹن اور اس کے اتحادیوں کے خلاف سائبر حملے کرنے کے لیے تیار ہے۔

اسپوٹنک خبر رساں ایجنسی کے مطابق اس دستاویز میں کہا گیا ہے کہ روس سائبر اسپیس میں امریکہ کے لیے ایک سنگین خطرہ ہے،روس نے انتخابات میں جوڑ توڑ اور اعتماد کو مجروح کرنے کے لیے امریکہ کے خلاف مذموم اثر و رسوخ استعمال کرنے کی کوششیں کی ہیں۔

پینٹاگون نے مزید دعویٰ کیا کہ روس نازک حالات میں ہمارے،ہمارے اتحادیوں اور شراکت داروں کے خلاف خوفناک سائبر حملے کرنے کے لیے تیار ہے۔

یاد رہے کہ مختلف ممالک پر سائبر خطرات اور ہیکنگ حملوں میں سرفہرست امریکہ، روس کے علاوہ چین پر اس کی ویب سائٹس اور ورچوئل انفراسٹرکچر کو ہیک کرنے کا الزام لگاتا ہے۔

مزید پڑھیں: امریکہ پر سائبر حملے کون کر رہا ہے؟

اس سے قبل امریکی میڈیا نے مائیکروسافٹ اور سرکاری حکام کے حوالے سے دعویٰ کیا تھا کہ چین سے منسلک ہیکرز نے مئی سے سائبر جاسوسی کرنے کے لیے امریکی حکومتی ایجنسیوں سمیت دنیا کی تقریباً 25 تنظیموں کے ای میل اکاؤنٹس کو ہیک کیا ہے۔