صیہونی وزیر اعظم متحدہ عرب امارات سے واپسی کے بعد کورونا قرنطینہ میں

?️ 14 دسمبر 2021

سچ خبریں:صیہونی وزیر اعظم کا متحدہ عرب امارات سے واپسی کی پرواز میں کورونا کے مریض سے رابطہ ان کے لیے درد سر بن گیا۔
یروشلم پوسٹ کی رپورٹ کے مطابق صیہونی وزیر اعظم نفتالی بینیٹ اور ان کا وفد متحدہ عرب امارات سے واپس آتے ہوئے ایک ایسے شخص سے ملا جس میں بعد میں کوویڈ 19 کی بیماری کی تشخیص ہوئی ، یہ واقعہ متحدہ عرب امارات سے مقبوضہ علاقوں جانے والی پرواز میں پیش آیا جس کے بعد طے پایا ہے کہ متحدہ عرب امارات سے واپسی کے بعد بینیٹ کو تین دن قرنطینہ میں گزارنا پڑیں گے۔

واضح رہے کہ منگل کی صبح معلوم ہوا کہ کورونا وائرس کا شکار ایک شخص بھی اسی پرواز میں تھا جس میں صیہونی وزیر اعظم تھے، تاہم بینیٹ اور ان کے ساتھی قرنطینہ میں ہیں اور کل پی سی آر ٹیسٹ کرائیں گے۔

واضح رہے کہ یہ واقعہ ایک ایسے وقت میں سامنے آیا ہے جب مقبوضہ علاقوں میں کورونا وائرس اومیکرون کے پھیلاؤ کے خدشات میں تیزی سے اضافہ ہوا ہے،یادرہے کہ منگل کے روز صیہونی حکومت نے اعلان کیا کہ 24 گھنٹوں کے دوران 744 افراد کوویڈ 19 سے متاثر ہوئے ہیں جن میں سے 90 کی حالت تشویشناک بتائی جاتی ہے ، ان میں سے 48 مریضوں کو وینٹی لیٹر پر رکھا گیا ہے،قابل ذکر ہے کہ مقبوضہ علاقوں میں اب تک کوویڈ 19 سے 8223 افراد ہلاک ہو چکے ہیں۔