صیہونی حکومت نے فلسطینی وزیر خارجہ کا سفری کارڈ ضبط کیا

?️ 10 جنوری 2023

سچ خبریں:فلسطینی اتھارٹی کی وزارت خارجہ نے اعلان کیا ہے کہ صیہونی حکومت نے اس تنظیم کے وزیر خارجہ ریاض المالکی کا خصوصی سفری کارڈ  ضبط کرلیا ہے۔

المالکی کے دفتر نے اعلان کیا کہ قابض حکومت کے حکام نے وزیر خارجہ کے وی آئی پی کارڈ کو ان کے عہدے کی پرواہ کیے بغیر اردن واپس جاتے ہوئے ضبط کرلیا۔

الجزیرہ کی رپورٹ کے مطابق صہیونی فوج نے المالکی کو مغربی کنارے میں داخل ہونے پر 30 منٹ تک حراست میں رکھا اور ان کا خصوصی کارڈ ضبط کرلیا۔

صیہونی حکومت کی وزارت جنگ کے ترجمان نے صیہونی حکام کے اس اقدام کو کابینہ کے فیصلے پر عمل درآمد کا حصہ قرار دیا۔

المالکی کے سیاسی مشیر احمد الدیک نے بھی صیہونیوں کے اس اقدام کو بین الاقوامی قوانین، فلسطینی اور اسرائیلی فریقوں کے درمیان طے پانے والے معاہدوں اور یادداشتوں کی صریح خلاف ورزی قرار دیا۔
صہیونیوں کے اس عمل کے جواب میں مالکی نے اسے بین الاقوامی قوانین کی خلاف ورزی قرار دیا۔

VIP کارڈ خود مختار تنظیموں کے عہدیداروں، فلسطین لبریشن آرگنائزیشن PLO کے رہنماؤں اور مرکزی کمیٹی اور فتح تحریک کی انقلابی کونسل کے اراکین کی نقل و حرکت کے لیے خصوصی کارڈ ہوتا ہے جسے صیہونی حکومت کی طرف سے دیا جاتا ہے اور اس کارڈ کے حامل افراد اپنی کاروں کے ساتھ مغربی کنارے اور 1948 کے مقبوضہ علاقوں میں آزادانہ طور پر سفر کر سکتے ہیں۔ صیہونی حکومت مختلف حیلوں بہانوں سے متعدد بار ان اہلکاروں کے کارڈ ضبط کر چکی ہے۔