صیہونی بمباری جاری رہی تو کیا ہوگا؟ فلسطینی مجاہدین کا اہم اعلان

?️ 10 اکتوبر 2023

سچ خبریں: القسام بریگیڈ (حماس کی عسکری شاخ) کے ترجمان نے اعلان کیا ہے کہ مجاہدین نے فلسطینی عوام کے خلاف صیہونیوں کے نسل پرستانہ جرائم کو روکنے کا فیصلہ کیا ہے۔

الجزیرہ چینل کی رپورٹ کے مطابق القسام بریگیڈز کے ترجمان ابو عبیدہ نے اعلان کیا کہ دشمن انسانیت اور اخلاقیات کی زبان نہیں سمجھتا، اس لیے ہم اس سے اسی زبان میں بات کریں گے جو وہ سمجھے گا۔

یہ بھی پڑھیں: الاقصیٰ طوفان آپریشن میں صیہونیوں کی شرمناک ناکامی کے 6 اہم عوامل

ابو عبیدہ نے مزید کہا کہ غزہ میں بہت سے فلسطینی خاندانوں کے خلاف صہیونیوں کے نسل پرستانہ اور فاشسٹ جرائم ہمارے لیے تکلیف دہ ہیں۔

انہوں نے مزید کہا کہ ہم پیشگی انتباہ کے بغیر ہر فلسطینی کے گھر پر بمباری کے جواب میں اسرائیلی قیدیوں میں سے ایک کو پھانسی دے دیں گے۔

مزید پڑھیں: صیہونیوں کا ایک نئا گروہ فلسطینیوں کے ہاتھوں گرفتار

انہوں نے کہا کہ ہم دنیا کے سامنے اس فیصلے کی ذمہ داری دشمن پر ڈالتے ہیں، اب فیصلہ صیہونیوں کے ہاتھ میں ہے کہ عقل سے کام لیتے ہیں اور غزہ کی بے گناہ عوام پر بمباری بند کرتے ہیں یا نہیں نیز اگر انہیں اپنے شہریوں اور فوجیوں کی ذرہ برابر بھی پرواہ ہو گی تو وہ ہمارے اس فیصلے کو سنجیدگی سے لیں گے بربریت بند کریں گے۔