آئینی حدود میں رہتے ہوئے اپنی جدوجہد آگے بڑھا رہے ہیں اور عدالتوں سے بھی انصاف کی توقع رکھتے ہیں۔ اسد قیصر

?️ 9 دسمبر 2025

اسلام آباد (سچ خبریں) پی ٹی آئی رہنما اسد قیصر کا کہنا ہے ہم آئینی حدود میں رہتے ہوئے اپنی جدوجہد آگے بڑھا رہے ہیں اور عدالتوں سے بھی انصاف کی توقع رکھتے ہیں۔ اگر عوام کو کہیں سے انصاف مل سکتا ہے تو وہ عدالتیں ہی ہیں۔

میڈیا سے گفتگو کرتے ہوئے انہوں نے کہا 26ویں اور 27ویں آئینی ترامیم کے بعد عدلیہ کو ایگزیکٹو کے کنٹرول میں دے دیا گیا ہے۔ جب وفاقی آئینی عدالت کے سربراہ کو وزیرِ اعظم نے ہی مقرر کرنا ہو تو وہ ان کے خلاف کیسے فیصلہ دے سکتا ہے.

اسد قیصر کا مزید کہنا تھا کہ دوسری جنگِ عظیم کے بعد وِن سٹن چرچل نے اپنے ماتحتوں سے پوچھا کہ کیا ملک میں لوگوں کو انصاف مل رہا ہے جب انہوں نے ہاں میں جواب دیا تو چرچل نے کہا کہ پھر ہمارا ملک چلے گا اور ٹکڑے ٹکڑے نہیں ہوگا۔

انہوں نے کہا کہ ہم عدلیہ کے ساتھ کھڑے ہیں، لیکن عدلیہ اور وکلاء برادری کو خود بھی اٹھ کھڑا ہونا ہوگا۔