صیہونی آئل ریفائنریز میں خوفناک آتشزدگی

🗓️ 1 مئی 2021

سچ خبریں:صیہونیوں کے ایٹمی پلانٹ تومر اور ڈیمونا میں ہونے والے حالیہ دھماکوں کے بعد ، ذرائع نے جمعہ کی شام حیفا کی بندرگاہ میں آئل ریفائنریز کے اندر بڑے پیمانے پر آگ لگنے کی اطلاع دی۔
المیادین چینل نے جمعہ کی شب اطلاع دی کہ حیفا کی بندرگاہ میں واقع آئل ریفائنریز کے اندر خوفناک آگ بھڑک اٹھی، ادھر صہیونی میڈیا نے اطلاع دی ہے کہ حیفا کی بندرگاہ میں بی زیڈ این پلانٹ کے اندر آگ بھڑک اٹھی ہے جس پر متعلقہ حکام نے قابو پالیا ہے، صہیونی حکومت کی وزارت ماحولیاتی تحفظ کے مطابق ، آگ جمعہ کی شام کو شروع ہوئی جس سے ایک پائپ کو نقصان پہنچا۔

صیہونی ماحولیاتی تحفظ کی وزارت کے دعوے کے مطابق ریفائنری کی ایمرجنسی آپریشن ٹیم نے آگ پر قابو پالیا جبکہ آگ لگنے والی تنصیبات ری فلنگ آپریشن روک دیا گیا ہے،واضح رہے کہ یہ سکیورٹی واقعہ ایک ایسے وقت میں پیش آیا جب مقبوضہ فلسطین میں حالیہ دنوں میں سکیورٹی کے بہت سارے واقعات پیش آچکے ہیں،جن میں جمعرات ، 2 مئی کی صبح ، میڈیا نے اطلاع دی کہ ایک میزائل مقبوضہ علاقوں میں ڈیمونا کے قریب لگا جس کی وجہ یہ تھی کہ شام کے فضائی دفاعی نظام نے اسرائیلی لڑاکا طیاروں سے داغے گئے میزائلوں کو روکا تو ان میزائلوں میں سے ایک مقبوضہ فلسطین کے اندر آگرا اور ڈیمونا کے قریب لگا۔

قابل ذکرہے کہ یہ ایک اہم پیشرفت تھی کیونکہ شام کے فضائی دفاعی نظام نے پہلی بار ایسا میزائل داغا جو مقبوضہ علاقوں تک پہنچ گیا جبکہ صہیونی حکومت کا دفاعی نظام اس میزائل کا پتہ لگانے اور روکنے میں مکمل طور پر ناکام رہا،یادرہے کہ ڈیمونا جوہری تنصیبات پر راکٹ حملہ ہونے سے قبل صیہونیوں کی ہتھیاروں کی ایک فیکٹری میں بھی دھماکہ ہوا تھا ۔