صہیونی قیدیوں کی رہائی کے لیے حماس کی شرط

سچ خبریں: حماس تحریک کے رہنماؤں میں سے ایک سامی ابو زہری نے اعلان کیا کہ اگر اسرائیلی قیدیوں کے حوالے کرنے سے نیتن یاہو کی طرف سے غزہ میں حملوں اور نسل کشی کا سلسلہ بند ہو جاتا تو حماس بغیر کسی ہچکچاہٹ کے ایسی کارروائی کرتی۔

روس کے الیووم نیٹ ورک کی رپورٹ کے مطابق ابو زھری نے اپنے بیانات میں تاکید کی کہ حماس ایسے کسی بھی منصوبے کا خیرمقدم کرتی ہے جو جنگ کے خاتمے اور فلسطینی عوام کے مصائب میں کمی کا باعث ہو۔ تاہم یہ تحریک نیتن یاہو کی ان شرائط کو قبول کرنے پر آمادہ نہیں ہے، جن میں مزاحمت کو غیر مسلح کرنا اور غزہ سے فلسطینیوں کا انخلاء شامل ہے۔

انہوں نے مزید کہا کہ اسرائیل کے وزیراعظم غلطی سے یہ سمجھتے ہیں کہ وہ فوجی حملے بند کیے بغیر اپنے قیدیوں کو واپس کر سکتے ہیں اور انہوں نے جنگ بندی معاہدے کے دوسرے مرحلے سے متعلق مذاکرات کو آگے بڑھانے سے انکار کر دیا ہے۔

یہ بیانات اس تناظر میں کہے گئے ہیں کہ خبر رساں ایجنسی روئٹرز نے صیہونی حکام کے حوالے سے خبر دی ہے کہ اس حکومت نے باقی ماندہ صہیونی قیدیوں میں سے نصف کی رہائی اور ان میں سے بعض کی لاشوں کے حوالے کرنے کے بدلے 40 سے 50 دن کی جنگ بندی کی تجویز پیش کی ہے۔

نیتن یاہو نے اتوار کو یہ بھی اعلان کیا کہ وہ حماس پر فوجی دباؤ بڑھائیں گے لیکن ساتھ ہی وہ مذاکرات جاری رکھیں گے۔

انہوں نے دعویٰ کیا کہ فوجی دباؤ کا استعمال صہیونی قیدیوں کی واپسی کا سب سے مؤثر طریقہ ہے اور ایک بار پھر حماس سے کہا کہ وہ اپنے ہتھیار ڈال دے اور اس کے رہنما غزہ سے نکل جائیں۔ اس کے ساتھ ساتھ غزہ کی پٹی پر صیہونی حکومت کے فضائی حملے جاری ہیں۔