صہیونیوں کے ہاتھوں حماس کے دو رہنما گرفتار

?️ 16 فروری 2021

سچ خبریں:صہیونی عسکریت پسندوں نے آج صبح مغربی کنارے کے متعدد علاقوں پر چھاپے مارے اور حماس کے دو رہنماؤں سمیت 12 فلسطینیوں کو گرفتار کرلیا۔
فلسطینی خبر رساں ایجنسی معا کی رپورٹ کے مطابق اسرائیلی فوج نے مغربی کنارے کے کچھ علاقوں پر حملہ کر کے آج (منگل ، 16 فروری) کو 12 فلسطینیوں کو گرفتار کیا،رپورٹ کے مطابق صہیونی غاصبوں نے مغربی کنارے کے شہر نابلس پر آج صبح کے حملے میں حماس تحریک حماس کے دو رہنماؤں "یاسر منصور” اور "عدنان عسفور” اور "فادی جبار” نامی ایک اور فلسطینی شہری کو گرفتار کیا، رپورٹ کے مطابق صہیونی ملیشیا نے نابلس میں ان شہریوں کے گھروں پر حملہ کرنے کے علاوہ رام اللہ کے مشرق میں واقع قصبے ” سلواد” اور متعدد دیگر قصبوں پر حملہ کیا اور متعدد فلسطینیوں کو گرفتار کیا ، جن کے نام یہ ہیں: محمد حمید ، عبد اللہ حمید ، طارق حمید ، عبد الرحمن حمید ، مهند الطویل، محمد فارس ، رفعت ابوشکرا اور احمد ایاد۔

درایں اثنا الخلیل میں عماد اور محمد الجبری نامی دو نوجوانوں کو گرفتار کیا گیا، واضح رہے کہ اس وقت قابض حکومت کی جیلوں میں 5000 سے زیادہ فلسطینی قیدی ہیں جن میں خواتین ، بچے اور بوڑھےبھی شامل ہیں جن میں سے کچھ خطرناک بیماریوں میں مبتلا ہیں اور تمام قیدی سبھی جیلوں میں ناروا سلوک ، توہین اور تشدد کی شکایت کرتے ہیں جبکہ بہت سارے قیدی ایسے بھی ہیں جنہیں اپنے اہل خانہ تک رسائی سے روکا ہوا ہے ، اور کچھ کو قید تنہائی میں رکھا گیا ہے، قیدیوں کے امور کی نگراں فلسطینی کمیٹی کا کہنا ہے کہ یہاں تک کہ خواتین قیدیوں کی بھی ناقابل بیان صورتحال ہے اس کے صیہونی درندوں نے بہت سارے فلسطینی نابالغ بچوں کو بھی حراست میں لیاہوا ہے اور ان کے خلاف مقدمہ چلانے کے دعوی کر رہے ہیں جو بین الاقوامی قوانین کے سراسرخلاف ہے۔