شمالی کوریا کے خلاف امریکی جاسوسی آپریشن پر ٹرمپ کا ردعمل

سچ خبریں: امریکی صدر ڈونلڈ ٹرمپ نے 2019 میں شمالی کوریا کے خلاف ناکام امریکی خفیہ آپریشن کے بارے میں ایک سوال کے جواب میں دعویٰ کیا کہ میں پہلی بار اس بارے میں سن رہا ہوں!

نیویارک ٹائمز کی رپورٹ کے مطابق، ٹرمپ کی منظوری سے شمالی کوریا کے خلاف امریکی جاسوسی آپریشن کے دوران امریکی نیوی کے ہاتھوں متعدد کوریائی شہری ہلاک ہوئے تھے۔

رپورٹ میں کہا گیا ہے کہ امریکی نیوی کے خصوصی دستوں نے ایک ناکام خفیہ مشن کے دوران گولیاں چلا کر متعدد شمالی کوریائی شہریوں کو ہلاک کر دیا۔ یہ دستے 2019 میں انتہائی حساس سیاسی مذاکرات کے دوران شمالی کوریا میں جاسوسی کا سامان نصب کرنے کی کوشش کر رہے تھے۔

باخبر ذرائع کے مطابق، ٹرمپ نے اپنے پہلے صدارتی دور میں اس آپریشن کی منظوری دی تھی۔ امریکی فوجیوں نے رات کے وقت ساحلی علاقوں میں داخل ہو کر ایک چھوٹی شمالی کوریائی ماہی گیری کی کشتی کا سامنا کیا۔ انہوں نے بغیر کسی رکاوٹ کے کشتی کے مسافروں پر فائرنگ کر کے ان سب کو ہلاک کر دیا۔

امریکی محکمہ دفاع نے دعویٰ کیا کہ ان شہریوں کی ہلاکت قابل جواز تھی! یہ آپریٹ اس وقت کیا گیا جب امریکی خفیہ ایجنسیاں شمالی کوریا میں انسانی ذرائع حاصل کرنے میں ناکام رہی تھیں۔

ٹرمپ اور شمالی کوریائی رہنما کے درمیان 2019 میں ہونے والے اجلاس کے بعد سے دونوں ممالک کے درمیان دو طرفہ مذاکرات معطل ہیں۔