شام میں امریکہ کو نئے سال پر میزائلوں کا تحفہ

🗓️ 2 جنوری 2022

سچ خبریں:شامی ذرائع ابلاغ کا کہنا ہے کہ کل رات اس ملک کے صوبہ دیر الزور میں واقع امریکی فوجی اڈے پر راکٹ حملہ ہوا۔
صابرین نیوز ایجنسی کی رپورٹ کے مطابق شام کے علاقے دیرالزور میں کنیکو سے معروف اس فوجی اڈے پر کم ازکم 4 راکٹ فائر کئے گئے،رپورٹ کے مطابق شام کے صوبہ دیرالزور میں امریکی فوجیوں کے زیرکنٹرول علاقے میں تیل کے ایک بڑے ڈپو میں امریکی فوجی اڈے سے دھماکوں کی آوازیں دور دور تک سنائی دیں۔

یادرہے کہ دیرالزور کے مشرقی علاقے میں واقع اس فوجی اڈے پر گزشتہ ایک ماہ کے دوران کئی حملے ہوئے ہیں،واضح رہے کہ شام میں امریکہ کے فوجی ٹھکانے نہ صرف شام بلکہ علاقے کے مختلف ملکوں نیز پورے علاقے کے لئے بدامنی و عدم استحکام کا باعث بنے ہوئے ہیں جبکہ شامی حکومت متعدد بار امریکہ سے ان کے ملک کے چلے جانے کو کہہ چکی ہے لیکن امریکہ ڈٹھائی کا مظاہرہ کرتے ہوئے اس ملک کی تیل کی دولت کو لوٹنے میں مصروف ہے اور اس کے ساتھ ساتھ یہاں سرگرم دہشت گرد گرہوں کے پشت پناہی کرتے ہوئے ان کے لیے سہولت کار کے فرائض انجام دے رہا ہے ۔

شامی حکام نے بارہا زور دے کر کہا ہے کہ شام میں امریکی اقدام، غاصبانہ قبضے کے مترادف ہے۔