سچ خبریں:فرانس میں سعودی سفارت خانے نے اعلان کیا ہے کہ وہ سعودی شہری کو معاوضہ دینے کے لیے مقدمہ دائر کرنے کا ارادہ رکھتا ہے جسے فرانس میں جمال خاشقجی کے قتل میں ملوث ہونے کے شبے میں گرفتار کیا گیا تھا اور بعد میں رہا کر دیا گیا۔
رشیا ٹو ڈے کی رپورٹ کے مطابق پیرس میں سعودی سفیر فہد الرویلی نے سفارت خانے کے وکیل کو پابند کیا گیا کہ وہ سعودی شہری خالد العتیبی کو جمال خاشقجی کے قتل کے سلسلے میں حراست میں لیے جانے پر ہرجانے کے لیے مقدمہ دائر کرے،انہوں نے زور دے کر کہا کہ جو اقدامات اٹھائے جائیں گے وہ سعودی قیادت کے احکامات اور سعودی وزارت خارجہ کے ساتھ ہم آہنگی سے ہوں گے ۔
واضح رہے کہ فرانسیسی استغاثہ نے بدھ کے روز خالد العتیبی کو رہا کیا جس کے بعد پراسیکیوٹر کے دفتر نے بتایا کہ زیر حراست شخص سے تفتیش اور شناخت کرنے کے بعد یہ طے پایا کہ اس کا نام اس ملزم کے نام سے میل نہیں کھاتا جس کی گرفتاری کے لیے وارنٹ جاری کیے گئے تھے۔
پیرس میں سعودی سفارت خانے نے منگل کو کہا کہ پیرس میں گرفتار شخص کا جمال خاشقجی کے کیس سے کوئی تعلق نہیں ہے اور اسے فوری طور پر رہا کیا جانا چاہیے۔
