سعودی عرب کو اسلحہ کی فروخت بند کرؤ: فرانسیسی عوام

?️ 21 فروری 2021

سچ خبریں:فرانسیسی دارالحکومت میں انسانی حقوق کے کارکنوں نے آل سعود حکومت اور یمن پر حملے کے خلاف ریلی نکالی اور سعودی عرب کو اسلحہ کی فروخت بند کرنے کا مطالبہ کیا۔
المسیرہ نیوز چینل کی رپورٹ کے مطابق انسانی حقوق کے کارکنوں نے فرانسیسی دارالحکومت پیرس میں سعودی عرب کے خلاف ریلی نکالی، رپورٹ کے مطابق کارکنوں نے مخطوطات لے کر آل سعود حکومت کے خلاف نعرے لگائے، انہوں نے اعلان کیا کہ فرانسیسی حکومت اور دیگر یورپی ممالک سعودی حکومت کو اسلحہ اور فوجی سازوسامان کی فروخت بند کریں، مظاہرین نے زور دے کر کہا کہ آل سعود حکومت یمن کے خلاف جنگ اور اس ملک میں بے گناہ لوگوں کے قتل عام میں یہ ہتھیار استعمال کررہی ہے۔

ریلی میں شریک افرادنے یاد دلایا کہ عرب اتحاد کی شکل میں سعودیوں نے یمن کے عوام کے مکانات ، اسپتالوں اور زرعی زمینوں پر روزانہ کی بنیاد پر بمباری کی ہے، یادرہے کہ اس سے قبل بھی ہیومن رائٹس واچ سمیت انسانی حقوق کی بین الاقوامی تنظیموں نے سعودی عرب کو اسلحہ کی فروخت بند کرنے کا مطالبہ کیا تھا،واضح رہے کہ سعودی اتحاد مغربی ممالک کے ہتھیاروں سے پچھلے چھ سالوں سے یمن کے خلاف جارحیت کررہا ہے ،انھوں نے اس ملک پر اتنی بمباری کی ہے کہ اب مزید بم برسانے کے لیے پہلے کسی جگہ کو تلاش کرنا پڑتا ہے اس لیے کہ انھوں نے اس ملک کا اسی فیصد بنیادی ڈھانچہ تباہ کر دیا ہے، یہاں تک کہ اسپتالوں اور دیگر طبی مراکز کو بھی نہیں بخشا ہے جس کے باعث یہاں انسانی تاریخ کے سب سے بڑے انسانی بحران کا خدشہ ہے۔

سعودی اتحاد کے اتنے زیادہ مظالم پر عالمی برادری کو ٹس سے مس نہیں لیکن جب یمنی عوام اپنے دفاع میں اٹھتی ہے تو مغربی ممالک کے ساتھ عرب ممالک میں بھی ایک ہاہا کار مچ جاتی ہے جس کی ایک مثال اس وقت مأرب کو آزاد کروانے کے لیے یمنیوں کی کاروائیوں کےخلاف شور وہنگامے میں مل جاتی ہے۔