سعودی عرب بدعنوانیوں کے الزام میں 4 سرکاری ملازمین گرفتار

🗓️ 14 دسمبر 2021

سچ خبریں:سعودی اینٹی کرپشن ایجنسی نے چار پولیس افسران اور سرکاری ملازمین کی گرفتاری کا اعلان کیا۔
الخلیج الجدید نیوز ویب سائٹ نے اپنی ایک رپورٹ میں لکھا ہےسعودی عرب نے پیر کے روز انسداد بدعنوانی ایجنسی کی جانب سے افشا کیے گئے 15 کرپشن کیسز میں سے چار پولیس افسران، سرکاری ملازمین اور تاجروں کی گرفتاری کا اعلان کیا ہے۔

رپورٹ کے مطابق سعودی میڈیا نے ایجنسی کے ایک عہدہ دار کے حوالے سے بتایا ہے کہ ان افراد کو مالی اور انتظامی بدعنوانی کے الزام میں گرفتار کیا گیا ہے،پہلا کیس ایک علاقے میں تین انٹیلی جنس پولیس اہلکاروں اور ایک شہری کی گرفتاری کا کی صورت میں سامنے آیا جنہیں رشوت کے الزام میں گرفتار کیا گیا ہے۔

دوسرے معاملے میں سعودی محکمہ انسداد منشیات میں کام کرنے والے ایک افسر کو منی لانڈرنگ کے بدلے ایک شہری سے 10 لاکھ ریال رشوت مانگنے پر گرفتار کیا گیا ہے، اس شہری کو بھی منی لانڈرنگ کے الزام میں گرفتار کیا گیا تھا۔

تنظیم کے مطابق زیر حراست افراد کے خلاف سب سے اہم الزامات رشوت ستانی اور منی لانڈرنگ کے ہیں،یادرہے کہ گزشتہ ہفتے سعودی اینٹی کرپشن ایجنسی نے چھ وزارتوں میں بدعنوانی کے مقدمات میں 250 ملزمین کی گرفتاری کا اعلان کیا تھا،تنظیم نے ایک بیان میں کہا کہ حراست میں لیے گئے افراد کا تعلق کئی سرکاری وزارتوں اور ایجنسیوں سے ہے، جن میں وزارت دفاع، وزارت داخلہ، وزارت انصاف اور وزارت صحت کے ساتھ ساتھ تعلیم اور بلدیات نیز دیہی امور کی وزارتیں شامل ہیں۔

واضح رہے کہ سعودی حکام نے حالیہ برسوں میں بدعنوانی کے خلاف جنگ کے بہانے متعدد مواقع پر حزب اختلاف کی متعدد شخصیات کو بھی گرفتار کیا ہے۔