سعودی عرب اور امریکہ کی جدہ میں مشترکہ بحری مشق، دفاعی تعاون میں مزید اضافہ

سعودی عرب اور امریکہ کی جدہ میں مشترکہ بحری مشق، دفاعی تعاون میں مزید اضافہ

 سعودی عرب اور امریکہ نے مغربی سعودی شہر جدہ میں ایک مشترکہ بحری فوجی مشق کا انعقاد کیا ہے، جس کا مقصد دونوں ممالک کے درمیان دفاعی تعاون کو مزید مضبوط بنانا ہے۔

سعودی وزارتِ دفاع نے سوشل میڈیا پلیٹ فارم ایکس پر بتایا کہ سعودی بحریہ اور امریکی بحریہ نے جدہ میں واقع کنگ فیصل نیول بیس پر مشترکہ بحری مشق “آبی محافظ میں حصہ لیا۔

وزارت دفاع کے مطابق، یہ مشق مشترکہ عسکری تعاون کے فروغ اور پیشہ ورانہ تجربات کے تبادلے کے لیے منعقد کی گئی۔ مشق کے دوران مختلف میدانی اور تیکنیکی منظرناموں پر عملی مشقیں کی گئیں، جن میں دونوں افواج نے اعلیٰ سطح کی جنگی تیاری اور مشترکہ آپریشنز کی صلاحیت کا مظاہرہ کیا۔

سعودی حکام کا کہنا ہے کہ اس قسم کی مشقیں بحری سلامتی کو مضبوط بنانے اور علاقائی استحکام کے لیے دونوں ممالک کی آپریشنل صلاحیتوں میں اضافے کا باعث بنتی ہیں۔

یہ مشترکہ فوجی مشق ایسے وقت میں منعقد ہوئی ہے جب امریکی صدر ڈونلڈ ٹرمپ کے مطابق، سعودی عرب اور امریکہ کے درمیان دفاع سمیت مختلف شعبوں میں تقریباً 270 ارب ڈالر مالیت کے معاہدے طے پا چکے ہیں۔ صدر ٹرمپ نے اس کا ذکر گزشتہ ماہ واشنگٹن میں منعقد ہونے والے سعودی۔امریکی سرمایہ کاری فورم کے دوران کیا تھا۔