اسرائیل کا نیا خفیہ کھیل،غزہ میں بالواسطہ ٹارگٹ کلنگ اور دہشت گردوں کی تربیت

اسرائیل کا نیا خفیہ کھیل،غزہ میں بالواسطہ ٹارگٹ کلنگ اور دہشت گردوں کی تربیت

غزہ میں حالیہ ٹارگٹ کلنگ کے واقعات پر تبصرہ کرتے ہوئے ایک عسکری و سکیورٹی ماہر نے انکشاف کیا ہے کہ صہیونی رژیم براہِ راست کارروائی کے بجائے اب بالواسطہ ترور کی حکمتِ عملی اختیار کر چکی ہے اور اس مقصد کے لیے مقامی دہشت گرد عناصر کو استعمال کیا جا رہا ہے۔

اتوار کے روز خبر رساں ایجنسی شِہاب سے گفتگو میں عسکری تجزیہ کار رامی ابو زبیدہ نے کہا کہ مرکزی غزہ کے کیمپوں میں داخلی سلامتی کے ذمہ دار افسر احمد زمزم کے قتل سے متعلق سامنے آنے والی معلومات اس بات کا واضح ثبوت ہیں کہ اسرائیل نے براہِ راست فوجی تصادم کے بجائے پراکسی کارروائیوں کا راستہ اپنا لیا ہے۔

انہوں نے بتایا کہ شواہد اور اعترافات سے ظاہر ہوتا ہے کہ یہ قتل کسی ایک فرد کی کارروائی نہیں تھا بلکہ ایک منظم انٹیلی جنس منصوبے کے تحت انجام دیا گیا۔ اسرائیلی خفیہ اداروں نے قاتلوں کو خاموش ہتھیار، مخصوص عسکری تربیت اور ہدف کی نقل و حرکت سے متعلق مکمل معلومات فراہم کیں، جبکہ خفیہ کیمروں کے ذریعے پورے آپریشن کی نگرانی بھی کی گئی۔