سرنگ کھودنے کا منصوبہ جنرل قاسم سلیمانی ہی کا تھا:حماس

🗓️ 2 جنوری 2022

سچ خبریں:فلسطینی ذرائع نے لبنان میں حماس کے نمائندے کے ایک سابقہ بیان کی ویڈیو شیئر کی ہے جس میں حماس کے ایک عہدہ دار نے کہا ہے کہ آئی آر جی سی کی قدس فورس کے شہید کمانڈر نے کئی بار غزہ کی پٹی کا سفر کیا تھا۔
بعض فلسطینی ذرائع نے سپاہ پاسداران کی قدس فورس کے کمانڈر جنرل حاج قاسم سلیمانی کی شہادت کی دوسری برسی کے موقع پر قدس فورس کے کمانڈر کے بارے میں فلسطینی مزاحمتی گروپوں کے ارکان کے سابقہ بیانات کی ویڈیوز دوبارہ شائع کی ہیں، انھیں میں سے آج سائبر اسپیس میں گردش کرنے والی ویڈیوز میں سے ایک دو سال قبل لبنان میں فلسطینی اسلامی مزاحمتی تحریک (حماس) کے نمائندے "احمد عبدالہادی” کے ریمارکس سے متعلق ہے۔

رپورٹ کے مطابق حماس کے ترجمان نے جنرل سلیمانی کے بارے میں دو سال قبل انٹرنیشنل ریسرچ انسٹی ٹیوٹ کی ایک کانفرنس میں بتایا کہ غزہ کی پٹی میں زیر زمین 360 کلومیٹر سے زیادہ سرنگیں ہیں،اس مسئلے کے بارے میں آپ کا سمجھنا ہی کافی ہے،احمد عبدالہادی مزید کہتے ہیں کہ ان سرنگوں کا منصوبہ دو لوگوں نے بنایا، پہلے شہید کمانڈر عماد مغنیہ اور دوسرے جنرل قاسم سلیمانی تھے۔

انہوں نے کہاکہ جنرل قاسم سلیمانی جو کئی بار غزہ آئے اور انہوں نے منصوبہ بندی اور ڈرائنگ کے پہلے ہی لمحے سے دفاعی منصوبے میں حصہ لیا،واضح رہے کہ یہ ریمارکس ایسے وقت میں سامنے آئے ہیں جب صیہونی حکومت نے 2006 کے پارلیمانی انتخابات میں فلسطین کی اسلامی مزاحمتی تحریک کی کامیابی کے بعد غزہ کی پٹی کا شدید محاصرہ کر رکھا ہے۔