زلنسکی کا جارحانہ قدم؛ اوڈیسا کے میئر کی شہریت منسوخ !

سچ خبریں: صدر یوکرین ولودیمیر زلنسکی نے ایک متنازعہ قدم اٹھاتے ہوئے اوڈیسا کے میئر ‘ہنادی تروخانوف’ کی شہریت اس بنیاد پر منسوخ کردی کہ ان کے پاس روسی شہریت بھی موجود ہے۔

یہ اقدام، جو عملاً میئر اوڈیسا کو سرکاری عہدے سے برطرف کرنے کے مترادف ہے، دارالحکومت کیف کی مرکزی حکومت اور ملک بھر کے مقامی عہدیداروں کے درمیان اب تک کے شدید ترین تنازعات میں سے ایک ہے۔

مقامی حکام کا کہنا ہے کہ زلنسکی جنگی اختیارات کا غلط استعمال کرتے ہوئے ان شہروں اور علاقوں کا دائرہ کار تنگ کر رہے ہیں جن کی باگ ڈور حزبِ اختلاف کے سیاستدان سنبھال رہے ہیں۔

تروخانوف، جو سنہ 2014 سے اس عہدے پر فائز ہیں، نے ایک بیان جاری کرتے ہوئے روسی شہریت رکھنے کی تردید کی ہے اور کہا ہے کہ وہ یوکرائن کی سپریم کورٹ میں اس فیصلے کے خلاف اپیل کریں گے۔ یوکرائن کا آئین ملک کے شہریوں کو کسی دوسرے ملک (خاص طور پر روس) کی شہریت اختیار کرنے سے منع کرتا ہے۔