روس میں ایک امریکی فوجی کی شرمناک حرکت

?️ 7 مئی 2024

سچ خبریں: روس کی ایک عدالت نے روسی خاتون سے چوری کے الزام میں ایک امریکی فوجی کے خلاف گرفتاری کے وارنٹ جاری کیے ہیں۔

روئٹرز نیوز ایجنسی کی رپورٹ کے مطابق روسی میڈیا نے اطلاع دی ہے کہ اس میں مجرمانہ حرکت کے الزام میں گرفتار ہونے والے ایک امریکی فوجی کو روس کی ولادی ووستوک ڈسٹرکٹ کورٹ کے فیصلے سے چوری کے الزام میں جیل میں منتقل کیا گیا ہے۔

روسی اخبار ریانووستی کی ویب سائٹ نے عدالت کے پریس آفس کے حوالے سے بتایا ہے کہ اس امریکی فوجی کا نام گورڈن بلیک ہے اور اسے 2 جولائی تک حراست میں رکھا جائے گا۔

یہ بھی پڑھیں: امریکی سفارت کا روس کے بارے میں اہم دعوی

ریانووستی سے بات کرتے ہوئےعدالت کے ترجمان نے مزید کہا کہ ولادیووستوک میں پروومائیسکی ڈسٹرکٹ کورٹ نے روسی ضابطہ فوجداری کے مطابق امریکہ کے ایک فوجی گورڈن بلیک کو چوری کے عنوان کے تحت گرفتار کیا

امریکی فوج کا کہنا تھا کہ روس نے پیر کو اس فوجی کی گرفتاری کی اطلاع دی تھی، تاہم اس کے نام کا باضابطہ اعلان نہیں کیا۔

ایک امریکی اہلکار نے نام ظاہر نہ کرنے کی شرط پر بتایا کہ یہ امریکی فوجی جنوبی کوریا میں امریکی فوجی اڈے پر خدمات انجام دے رہا ہے،امریکی اہلکار نے مزید کہا کہ اس فوجی پر ایک روسی خاتون سے چوری کا الزام ہے۔

روسی اخبار Izvestia نے بھی ایک گمنام ذریعے کے حوالے سے بتایا ہے کہ جنوبی کوریا میں تعینات امریکی فوج کے سارجنٹ نے مشرقی روس میں ولادی ووستوک کی بندرگاہ سے سوشل میڈیا پر ایک خاتون سے دوستی کی اور پھر ان کی ملاقات ہوئی۔

مزید پڑھیں: ماسکو دہشت گردانہ حملے پر امریکی ردعمل کے بارے میں روس کا ردعمل

ولادی ووستوک میں روسی وزارت خارجہ کے دفتر نے اعلان کیا کہ اس شہر میں امریکی فوجی کی حراست کا جاسوسی یا سیاسی معاملات سے کوئی تعلق نہیں ہے۔