دشمن ہمیں غلام بنانا چاہتا ہے:جہاد اسلامی

?️ 26 اگست 2022

سچ خبریں:فلسطین کی جہاد اسلامی موومنٹ کے سکریٹری جنرل نے کہا کہ ہم کبھی ہتھیار نہیں ڈالیں گے، ہمارا پرچم بلند ہے اور مزید بلند ہوتا رہے گا۔

المیادین چینل کی رپورٹ کے مطابق فلسطین کی جہاد اسلامی تحریک کے سکریٹری جنرل زیاد النخالہ نے کہا کہ ہم کبھی ہتھیار نہیں ڈالیں گے اور نہ ہی دشمن کے سامنے جھکیں گے،ہمارا پرچم بلند ہے اور مزید بلند ہوتا رہے گا، انہوں نے مزید کہا کہ سلام ان شہداء پر جو ہماری قوم کو متحد کرتے ہیں اور قدس کے پرچم بردار ہیں جبکہ بہت سے ممالک کو مسجد اقصیٰ، قدس اور مغربی کنارے میں ہمارے شہید اور قابضین کی کارروائیاں نظر نہیں آتیں۔

النخالہ نے کہا کہ جب ہم اپنی قوم کا دفاع کرتے ہیں تو میڈیا کے ذریعہ مزاحمت پر حملہ کیا جاتا ہے جبکہ ہماری بنیادی ضرورت آزادی ہے، دشمن نے مغربی کنارے کو آباد کاروں کے ریوڑ کے لیے ایک بڑی بستی میں تبدیل کر دیا ہے جو قتل اور دہشت گردی کی کارروائیاں کرتے ہیں۔

فلسطین کی جہاد اسلامی تحریک کے سکریٹری جنرل نے مزید کہا کہ دشمن ہمیں جھوٹے امن کے نام پر غلام بنانا چاہتا ہے یا ذلت اور قبضے کی مخالفت کی وجہ سے ہمیں قتل کرنا چاہتا ہے، انہوں نے مزید کہا کہ ہم لڑتے رہیں گے، بدقسمتی سے، بعض عرب فلسطین اور اس کی قوم کا نام نہیں سننا چاہتے جب کہ یہ ناقابل مصالحت ہے، فلسطین کا نام اور قوم روز بروز بلند ہو رہی ہے لہذ ان عربوں کو اپنے حساب کتاب پر نظر ثانی کرنی چاہیے۔